Sistem de reprodui fema
La sistem de reprodui fema es composada de la organos sesal interna e esterna cual funsiona en la reprodui de enfantes nova. La sistem es nonmatur a nase e deveni matur a maturi sesal e capas de produi gametas e jesta un feto a completi. La organos sesal interna es la vajina, utero, trompas de utero e ovarios. La duto de reprodui fema inclui la vajina, la utero, e la trompas de utero e es propensada a infetas. La vajina permete copula e pari, e es liada a la utero a la servix. La utero casi la embrio, cual developa a la feto. La utero produi ance secretes, cual aida la move de spermas a la trompas de utero, do spermas fertili ovos produida par la ovarios. La organos sesal esterna (o jenitales) es la vulva, composada de la labia, la clitoris, e la vestibulo vajinal.
9. Vajina: 10. Imen; 11. Lumen; 12. Mur; 13. Fornix (ladal)
14. Utero: Partes: 15. Servix; 16. Corpo and 17. Fondo. 18. Abris: externa e interna; 19. Canal servixal; 20. Caveta de utero; Stratos: 21. Endometrio; 22. Miometrio e 23. Perimetrio
24. Trompa de utero: 25. Istmo; 26. Ampola; 27. Embuto; 28. Fimbria (con 29. Fimbria ovarica)
30. Ovario
31. Peritoneo pelvisal viseral: 32. Ligamento larga (con 33. Mesosalpinx; 34. Mesovario e 35. Mesometrio)
Ligamentos: 36. Ronda; 37. Ovarial; 38. Suspendente de utero
Dutos sangual: 39. Arteria e Vena ovarial; 40. Arteria e venas de utero; 41. Arteria e venas vajinal
Otra: 42. Ureter; 43. Diaframa pelvisal (Levador de ano); 44. Testa femoral; 45. Oso de anca; 46. Dutos sangual ilial interna (ramos anterior); 47. Dutos sangual ilial esterna; 48. Caveta adomenal
En sicle menstrual, la ovarios relasa un ovo, cual pasa tra la trompa e en la utero. Si, en sua viaja, la ovo encontra spermas, un sola sperma pote entra e fusa con la lo, fertilinte lo a un zigoto.
Fertili aveni tipal en la trompas e marca la comensa de embriojenese. Alora la zigoto divide repetante tra jeneras sufisinte de selulas per formi un blastosiste, cual implanta se en la mur de la utero. Esta comensa la periodo de jesta e la embrio ta continua developa asta completi. Cuando la feto ia developa sufisinte per survive estra la utero, la servix dilata e contraes de la utero propulsa la bebeta tra la vajina a la mundo esterna.
La sistem corespondente entre mases es la sistem de reprodui mas.