Achtersteve (starebeeld)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kaart vaan 't starebeeld Achtersteve.

Achtersteve (Puppis, afkorting Pup) is e starebeeld aon de zuieleke hiemelkoepel. Vaanaof de breidte vaan de Benelux is allein 't noordelek deil te zien.

Same mèt de starebeelde Kiel (Carina), Kompas (Pyxis) en Zeile (Vela) maak Puppis deil oet vaan 't klassiek starebeeld Sjeep Argo ((Argo Navis)), wat tegewoordeg gein officieel starebeeld mie is.

Besjrijving

Achtersteve is e redelek groet starebeeld wat in e riek gedeilte vaan de mèlkweeg is gelege en veur amatäör-astronome versjèllende sjoen objekte umvat. Omtot 't deil heet oetgemaak vaan 'n groeter starebeeld bevat Achtersteve mer 'n paar Bayer-stare. In 't midde vaan de achtienden iew deilde Nicolas Louis de Lacaille Sjeep Argo op in de veer kleiner starebeelde: Kiel, Kompas, Achtersteve en Zeile.

Stare

(in volgorde vaan aofnummende helderheid)

• Naos (ζ, zeta Puppis)
• Azmidiske (ξ, xi Puppis)
• HD69830, 'n staar boebij 'ne planetoïdegordel gemeind weurt

Aander objekte

't Gief 3 objekte in dit starebeeld die veurkoume op de lies vaan Charles Messier, allemaol ope starehuip:

• Messier 46 (NGC2437)
• Messier 47 (NGC2422)
• Messier 93 (NGC2447)

Wijer is 't balkspiraolstèlsel NGC 2427 en väöl aander starehuip te zien in de Mèlkweeg dee door 't Achtersteve löp.