Ans
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Ans (Welsj: Anse) is 'n gemèngde mèt 28.503 inweunersj (2021) in de provincie Luuk in Wallonië óp 't Belsj en 'n belangrieke väörsjtad van de hoofsjtad Luuk.
De gemèngde liegkt in Haspengouw, 'ne sjtrieëk mèt wiej dale, kriet in d'r óndergroond en 'ne vètte, vruchtbare löss es baovelaog. In Ans bevindt zich de hoofdbrón van de Légia, 'n reveer die, boete de brón en häör kunszinnige bedding in Ans èèges, bekaans gaans óndergronds ziene waeëg vindt nao de Maas, oeë-in ze in Luuk bie d'r Pont des Arches oetmóndt.
Ans haat 'n mienverlede. De sjtèèkaolemiene waoërte geëxploiteerd saer d'r 13de ieëw en óp z'n hoeëtepeunt waort kaol gedólve oet veer koele.
Ans is 'n sjtad mèt väöl gezichte: industrie en handel, landelek en wóngebied. In Ans is èèder jaor, gewoeënlèk in april, d'r arrivée van d'r aodste wielerklassieker Luuk-Bastenake-Luuk. Ans vörmt mèt Luuk, Seraing, Herstal, Saint-Nicolas en Flémalle de agglomeratie Luuk.
Ans is 'n halteplaatsj an 't sjpaoër Brussel-Luuk.
