Attika

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Veendel vaan Attika

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

Attika (Ouch wel Attica, Grieks: Αττική, Attiki) is 'n periferie (vergeliekbaar mèt de regio's in Fraankriek) in Griekeland. Attika weurt door de Grieke ouch wel, dèks spottend gemeind, Megalýteri Athína, wat Groet Athene beteikent, geneump. Dit heet de mèt te make tot Attika al sinds d'n Aajdgrieksen tied bekans gaans verboonde is mèt Athene.

Geografie

Attika heet 'n oppervlak vaan 3.808 km². Attika is 'n vrij oonvruchbaar periferie, en is veural steijelek gebeed. Hei kint me beveurbeeld de hoofstad vaan Griekeland vinde, Athene. Belaangriek plaotse zien Aigosthena, de Amphiareion vaan Oropos, Artemida, Brauron, Eleutherae, Eleusis, Keuningetorie, Lagonisi, Laurium, Marathon, 't Marathonmeer, de Pentelicusberg, Parnitha, Piraeus, Porto Rafti, Rhamnous, Saronida, Sounion, Tatoipalies en de Tempel vaan Apollo Zoster.

Aongrenzende regio's

Attika grens aon twie Griekse regio's

• Centraol-Griekeland, noorde
• Peloponnesos, weste en zuie

Demografie

Volges de census vaan 2011 heet Attika 'n inwoeneraontal vaan 3.828.434, en 'n deechde vaan 1000/km². Dit is 'n stabiele stijging vergeleke mèt 2001, wie 't nog 3.761.810 inwoeners had. Bis 2011 waor de regio verdeild in veer departeminte, nomos geneump. Allewel dees daonao zijn herverdeild in ach rezjionaol einheije, blieve de departeminte nog altied veurtbestaon in a-politieke instanties, wie vootbalvereineginge en aander cultureel veurbeelde.