Barneveld

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Barneveld in Gelderland

Barneveld (Wes-Veluws: Barreveld) is e versteidelek dörp en 'n gemeinte in de Nederlandse provincie Gelderland, op de grens vaan de Veluwe en de Gelderse Vallei, mèt 'n oppervlak vaan 176,74 km² (daovaan 0,72 km² water) en (per 1 januari 2007) 50.995 inwoeners. 't Dörp zelf heet mie es 28.000 inwoeners. Neve de hoofplaots Barneveld umvat de gemeinte de dörper Garderen, De Glind, Kootwijk, Kootwijkerbroek, Stroe, Terschuur, Voorthuizen en Zwartebroek.

Functies

Barneveld is e belaangriek landbouwcentrum. Veural de pluimveehawwerij is hei vaanaajds groet: binne de gemeinte zien zoe'n drei miljoen hinne. Ouch weurt hei verkeshawwerij bedreve. 'ne Wijere bron vaan inkomste is 't (binnelands) toerisme. Barneveld is ouch de vestegingsplaots vaan de orthodox-protestantse gezèt Nederlands Dagblad.

Aonziech

Aw Kèrk in Barneveld

In 't centrum vaan Barneveld steit de gotische Aw Kèrk. 't Landelek gebeed vaan de gemeinte heet väöl weerdevol cultuur- en natuurlandsjappe, wie 't Kootwijkerzand, 'n zandverstuiving bij Kootwijk.

Historie

De plaots Barneveld weurt in 1333 e kèrkdörp. Wie laank teveure 't al bestande heet is neet bekind meh al in 1174 kump Barneveld veur es persoensnaom ("Wolfram vaan Barneveld"). Barneveld is e belangriek centrum vaan de Gelderse vallei, meh krijg gein stadsrechte. In 1482 sprink hei d'n huurling Jan van Schaffelaar vaan de kèrktorie. In later iewe behèlt Barneveld zien merretfunctie en centraal positie in de Vallei, zoonder tot 'n stad oet te greuje.

Gebore in Barneveld

• Jaap Kamphuis, theoloog
• Jacobus Cornelius Kapteyn, astronoom
• Evert Roskam, collaborateur

Externe link

• Website vaan de gemeinte