Bdht-klinkerregel
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De bdht-klinkerregel is 'ne grammaticale regel in sómmige Vlaamse, Braobantjse, Zeeuwse en Limbörgse dialekte, wobie mennelik naamwäörd die mit 'n b-, d-, h-, t- of klinker aanvange, 'n -n kriegen achter 't drek-veuraafgäöndje bieveugelike naamwaord, lidwaord of veurnaamwaord.
Bieje meiste Limbörgsspraekendje geldj de regel aevel neet bie wäörd die aanvange mit tj- of tsj-; op 't Braobantjs is det aevel döks waal 't val.
Veur väöl Limbörgse dialekte, mit naam de zujeliker dialekte, geldj det deze regel neet (mieë) veure b- geldj; me haet hie dus 'nen dht-klinkerregel.
In Mofert is van vreuger oet spraok van 'n lichte variaasje oppe regel; me gebroek hie namelik van aadshaer oet d'n dhlrt-klinkerregel. 't Fenomeen is hie aevel bie de l- enne r- zo good es gans verzwónje. De regel brèdj zich ouch oet toet samestèllinge wovan 't lèste deil e mannelik zelfstenjig naamwaord is: sjroef + drejjer = sjroevendrejjer. Wiejer kan me opmirke det de regel neet van toepassing is op 't wäördje "dae"; 't óngersjied tösse "dae" en "daen" is e naamvalsóngersjied, wobie "dae" geldj veure nominatief en "daen" veure datief en accusatief: "Dae miens zuutj daen hóndj, dewiel dae dokter daen patiënt doorverwies."
Veurbiljer
bewirk| Vlaams | Vinloos | Mofers | Nederlandjs |
|---|---|---|---|
| den dokter | d'n dokter | d'n dokter | de dokter |
| dienen dikken boom | daen dieken boum | dae diekke boum (nom.) daen diekke boum (acc./dat.) |
die dikke boom |
| de groten boom | de groeëten boum | de groeate boum | de grote boom |
| 'nen hogen boom | einen hoeëgen boum | 'nen hoeage boum | een hoge boom |
Extern links
bewirkBrón
bewirk- Bakkes, Pierre. "Mofers Waordebook." Montfort: Stichting Mofers Waordebook (2007).