Berg (Tóngere)

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Tungers, es te dit dialek sjpriks.

---

Berg ies 'n deilgemeinte van Tóngere in de provincie Belsj Limburg. 't Plaetske liek ten noordoaste van Tóngere. Bies 1971 waor 't 'n zelfsjtendige gemeinte. 't Gehuch Ketsinge huèrt ouch bie Berg; hie óntsjprink de Demer. Berg liek op 'ne heuvel, 'ne galgeberg, woa in de mieddelièwe de criminele woorte opgehange. Hie-aan dank 't plaetske ouch ziene naam.

De Sint-Martinuskèrk van Berg ies deils romaans (sjeep en ónderboew van de tore). 't Koar ies gotisch en dateert oet de 15e ièw.

Externe link

• Besjrieving en foto's van de Sint-Martinuskèrk