Jimi Hendrix
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
James Marshall Hendrix (gebaoren es Johnny Allen Hendrix; 27 november, 1942 – 18 september, 1970) woor 'nen Amerikaanse gitarist, zenger en leedjessjriever waes naolaotesjap ömmer de rockmeziek blief beïnvloje. Nao zien successe in Europa waerdje d'r bekindj in de Vereinigdje Staote nao 'n óptraeje in 1967 bie 't Monterey Pop Festival. Later woor d'r in 't Woodstock Festival van 1969 de hoofmiens.
Hendrix hólp mit aan 't óntwikkele van gitaartechnieke wie overdrive óp ge verstèrker. Hae woor beïnvloodj door bluesartieste wie B. B. King, Muddy Waters, Howlin' Wolf, Albert King en Elmore James, rhythm & blues- en soulgitariste Curtis Mayfield en Steve Cropper en ouch door get moderne jazz. Carlos Santana haet veróngerstèldj det Hendrix ziene meziek waal gooddeils door ziene Indiaanse oorsprónk kós zeen beïnvloodj. Es producer perbeerdje d'r ouch get oet in de studio. Hae woor ein vanne ieëste die mit stereofonische effecte veur rockópnames experimenteerdje.
Hendrix wón väöl rockpriezer tiedes zien laeve, mer ouch d'rnao.
Hendrix is in 'n hotel in Lónje gestórve, wie d'r 'n fataal combinatie van slaoppille en wien ingenómmen hadj. 't Sjientj det Hendrix gein Europese pille, die zwaorder zeen es de Amerikaanse variantj, gewindj woor. Aevel woort lank gedach det t'r gestórve waar aan 'n euverdosis aan heroïen, meh later bleek det t'r naeven alcohol en hemp noeats anger drugs gebroekdje.