Pekela

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Pekela in Groninge

Pekela (Gronings: De Pekel) is 'n gemeinte in de Nederlandse provincie Groninge, in de Veenkolonië, mèt 'n oppervlak vaan 50,20 km² (daovaan 1,08 km² water) en per 1 januari 2007 13.237 inwoeners. De gemeinte umvat de dörper Alteveer (gedeiltelek), Boven Pekela, Nieuwe Pekela en Oude Pekela en de gehuchter Bronsveen en Hoetmansmeer.

Historie

Archeologische voonste tuine aon tot 't gebeed al oongeveer 7000 jaor geleie bewoend waor. Daonao begós ziech hei 't veen aof te zètte. De modern historie begint pas in de Nuien Tied. In 1599 beginne Hollandse en Friese kouplui de kaante vaan 't reveerke de Pekel Aa (letterlek "zaajt water") te oontginne um dao törf te winne. Al gaw koup de stad Groninge de rechte op 't gebeed op. Oontgonne grun weure veur landbouw gebruuk, al bliek de groond te erm zelfs veur rogke en sjakelt me oetindelek euver op d'n eerappel. Es vaanaof de jaore zesteg vaan de twintegste iew de landbouw achteroetgeit verermp 't gebeed hendeg. In 1990 weure de gemeinte Oude en Nieuwe Pekela samegeveug tot de nui gemeinte Pekela.

Externe link

• Website vaan de gemeinte