Bolsward

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Bolsward (Fries Boalsert) is e stedsje (ein vaan de Friese èlf stei) in de gemeinte Súdwest Fryslân, in de Nederlandse provincie Friesland, op de Friese Klei.

Historie

Bolsward is oontstande op drei terpe, boevaan in eder geval eine vaan veur de jaortèlling is. In de middeliewe had de plaots belang es viemerret veur de umgeving. In 1455 kraog Bolsward stadsrechte. Vaanaof de renaissance bleujde de stad oonder mie es textielcentrum, meh vaanaof de achtiende iew góng de welvaart achteroet. Tot 2011 waor Bolsward 'n zelfstendege gemeinte (in oppervlak ein vaan de kleinste vaan Nederland), die op 1 juli 2010 9916 inwoeners had en 'n oppervlak vaan 9,42 km² besloog (daovaan 0,29 km² water). Binne de gemeintegrenze laog wijer allein de naobersjap Laad en Zaad.

Monuminte

Bekinde monuminte in Bolsward zien de rewien vaan de Broerekèrk (daartiende iew, verruïneerd 1980) en 't raodhoes (roond 1615).

Bekinde Bolswarders

Z. Titus Brandsma, zaoleg verklaorde paoter
Paoter Brugman, bekinde geisteleke en spreker
Gysbert Japikx, Friestaolege sjriever