Madeira

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De ligking van Madeira t'n opzichte van Europa.

De Autonoom Regio van Madeira is ei vanne autonoom gebiede van Portugal. De regio steitj geliek ane archipel van Madeira. De autonoom regio van Madeira is opgenómmen inne Portugese gróndjwèt en maak deil oet vanne Europese Unie.

De eilenj Madeira en Porto Santo, die deil oetmake vanne archipel van Madeira, woorte volges sómmige historici al óntdèk dore Romeine, mer hieveur is gei kónkrieët bewies gevónje. In 1418 woort Porto Santo (her)óntdèk dore Portugezen en Madeira volgdje in 1419. De regio is de op ein nao riekste regio van Portugal. 't Is 'n hieël populair bestumming ónger toeriste vanwaengen 't gemaotig klimaat, zowaal inne zómmer es inne wintjer. Daonaeven is 't bekèndj veure madeirawien, dae oppe archipel wuuertj verboedj.