Poprad

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Poprad (Hóngaars: Poprád, Pruus: Deutschendorf) is 'n stad in 't noearje van Slowakije aan de voot van 't Tatragebergdje. Poprad haet e historisch centrum en is gelaenge aan de reveer de Poprad. De stad haet zich herhaoldjelik kandidaat gesteldj veur 't organisere van de Olympische Wintjerspele. Poprad haet óngeveer 55.000 inwoeaners.

Stadsdeile

De gemeindje Poprad besteit oet de vólgendje stadsdeile en dörpskerne. Tösje häökskes steit 't jaor worin 't stadsdeil of 't dörp bie de gemeindje waerdje gevoog.

Staré Mesto (aaj stad)
Veľká (1945)
Spišská Sobota (1945)
Matejovce (1974)
Stráže pod Tatrami (1960)
Kvetnica

Verkieër

Poprad is 't beginpöntj van de Tatranská Elektrická Železnica (Tatra Elektrische Spaorwaeg), 'n aantal smaalspaorliene die de reservate in 't Hoeage Tatra-gebied, zoeawie Starý Smokovec, Štrbské Pleso en Tatranská Lomnica mit einanger en Poprad verbinje. Wiejer haet Poprad treinverbinjinge mit anger stej in Slowakije en daoboete, wie Praag in Tsjechië.

Tèn noeardjwèste van Poprad lègk de internationaal lóchhave Poprad-Tatry.