Riga

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Euverzich euver Riga.

Riga (Lets: Rīga) is de houfsjtad van Letlandj en mit zoget 700.000 inweuners de grótste sjtad van de Baltische lenjer. De sjtad ligk aan beidskantje van de Wèstelike Dvina (Lets: Daugava), kórtbie de munjing in de Golf van Riga (Ooszee). 't Is 't politisch, ikkenomisch en cultureel centrum van Letlandj.

Bevölking

De bevölkingsgegaeves gaeven 'n daling van de bevölking aan:

• 1989: 910.445
• 2000: 764.329
• 2010: 709.145

De grótste etnische groep zeen de inheimse Lette (45%), kórt gevolg door de Rösse (44%), wiejer 4,7% Wit-Rösse, 4% Oekraïners, 2% Pole en 6,7% euverige.