Samuel Beckett

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Samuel Beckett (Dublin, 13 april 1906 - Paries, 22 december 1989) waor 'ne Ierse sjriever en dichter. Beckett kreeg in 1969 d'r Nobelpries vör literatuur.

Laevesloop

Beckett is gebaore in e protestaants gezin in Dublin. In 1928 verhuusde e nao Paries. Dao waoërt e väörgesjtild an James Joyce dae 'm es lieërling accepteerde. Nao 'n aantal jaor gong e roondreze in Europa en Beckett mot in dae tied och echte zjwervers ontmoet hubbe. Truuk in Paries wert-e op 'ne daag uvvervalle en verwond. Ing van zien longe waoërt daobie geperforeerd. Later is e d'r dader in de gevangenis gaoë opzeuke en e haat 'm gevraogd väörwat e dae aansjlaag gepleegd how. "Je ne sais pas" waor 't aantwoaërd.

Beckett is begrave op begraafplaatsj Cimetière du Montparnasse in Paries.

Absurdistisch theater

Beckett sjreef Wachten op Godot in 't Fraans. E von dat haeë zich in z'n twiede taal 'economischer', kernachtiger koes oetdrukke. Bie de ursjte väörsjtillinge van 't sjtuk leep 't publiek d'r zaal oet en reep sjan. Mit waor 't absurdistisch theater gebaore. Beckett leet zich o.m. inspirere dur 'de komieke' va Dublin oet z'n jeugd oeë och de Marx-brothers hun inspiratie haolde.

Besjermde regie-aanwiezinge

Beckett haat in de saeëvetiger jaore dit sjtuk zelf geregisseerd in Berlien. Tut in de klingste details haat e doe regie-aanwiezinge, decorboew, verbod op meziek en bezètting op papier gezat. E haat daomit vurkaome dat me zie waerk geet interpretere. Toneelgroepe die dit sjtuk wille sjpäöle motte zich an die regels haowe. Dat wert gekontroleerd dur de Beckett Sjtichting. Dit sjtuk maog neet dur vrowwe gesjpeld waeëre. Beckett von dat vrowwe 't rech hubbe op ervaringe oeëdur ze in sjtaot zeunt um zelf dit saoërt sjtukke te sjrieve.