Staatkundig Gereformeerde Partij

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Staatkundig Gereformeerde Partij (SGP) is 'n conservatief politieke partij vaan Nederland. Häöre groondslaag is streng bevindelek gerifformeerd; feitelek is de partij theocratisch vaan aard. De partij woort in 1918 opgeriech es aofsplitsing vaan de ARP en is daomèt de ajdste politieke partij in Nederland die nog in häören oersprunkeleke vörm besteit. Häör stumme haolt de partij zoe good wie exclusief oet bevindeleke krink, en umgekierd: wee bij e bevindelek genoetsjap huurt, stump SGP. Bijgevolg steit de partij sterk in de Nederlandse Biebelgordel, dewijl ze in väöl aander deile vaan Nederland (beveurbeeld gans Limbörg) koelek besteit. Partijveurzitter is Adri van Heteren, politieke leismaan is Chris Stoffer. Bij de Twiede Kamerverkezinge vaan 2023 kraog de partij drei zedele. De SGP is in 't verleie herhaoldelek negatief in 't nuits gewees, in 't bezunder door de jaorelang principieel weigering um vrouwlui touw te laote. Dees regel woort in 2013 op las vaan de rechter gesjrap.

Twiede Kamer

Twiede Kamer sinds 1998
Jaor	Zetele
1998	3
2002	2
2003	2
2006	2
2010	2
2012	3
2017	3
2021	3
2023	3

Weblinks

Website vaan de SGP
Staatkundig-Gereformeerde Partij (SGP), Parlement.com

Politieke partieë in Nederlandj

50+ (50PLUS) — BBB (BoerBurgerBeweging) — BIJ1 — CDA (Christen-Democratisch Appèl) — CU (ChristenUnie) — D66 (Democraten 66) — DENK — FVD (Forum voor Democratie) — GL (GroenLinks) — JA21 (Juiste Antwoord 21) — NSC (Nieuw Sociaal Contract) — OPNL (Onafhankelijke Politiek Nederland) — PvdA (Partij van de Arbeid) — PvdD (Partij voor de Dieren) — PVV (Partij voor de Vrijheid) — SGP (Staatkundig Gereformeerde Partij) — SP (Socialistische Partij) — Volt (Volt Nederland) — VVD (Volkspartij voor Vrijheid en Democratie)