Trilobiete

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

Trilobitomorpha is 'nen oetgesjtorve vorm gelidpotige. Ze waere ouch waal trilobiete genömdj. Ze zeen tiejdes 't Perm oetgesjtorve. Ze ontsjtonge tijdens 't Cambrium en wore 't heel Paleozoïcum in de zee te vinje.

Kinmerke

Trilobiete zeen bekindje fossiele en ze zeen ajer den de dinosaurus. Ze zeen ónger te sjeide in 9 ordes en meer es 15000 saorte. Häör lichaam besjtuit oet 'ne kop, 'n gesegmenteerdj borsstök en 'n stertdeil.

Vindjplaotse

Pseudoasaphus praecurrens

Fossiele van trilobiete zeen euveral te vinje. Regelmaotig waere nuuj saorte gevonje, wodoor de axonomische indeiling léstig is. De sjnel evolutie van de trilobiete help geologe biej ajerdomsbepaoling vanne gesteindje woor trilobietfossiele in gevonje waere. In Nederlandj zeen väöl trilobiete oet 't Ordovicium te vinje in 't meisjt noordjelike deil vanne Hondsrug in Groninge. Fossiele oet later periodes zeen onger angere te vinje inne Ardenne en de Eifel.

Ordes

Agnostida
Redlichiida
Corynexochida
Lichida
Phacopida
Proetida
Asaphida
Harpetida
Ptychopariida
Nektaspida

Oetsjterve

't Is neet dudelik wrom de trilobiet oetgesjtorve is. De koms van de irste haaie en angere roofvisse haet waarsjienlik hiej biej 'n belangrieke rol gesjpeeld, omdét de trilobiete veur die sjmakelik aete woor. Maar dét kin neet de enige rede zeen gewaes omdét de oetsjterving al väöl irder tot sjtandj kwaam. Aan 't eind van 't Perm stjorf de létste trilobiet oet.