Zitbein
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
1=hèlgebein, 2=dermbein, 3=zitbein, 4=sjaambein (4a=corpus, 4b=ramus superior (richting kop), 4c=ramus inferior (aan sterkantj), 4d=tuberculum pubicum), 5=symfyse (sjaambeinsvoog), 6=häöpkómp, 7=foramen obturatum, 8=stertbein, roeaj strepelien= linea terminalis
't Zitbein (Letien: os ischii of ischium) is d'n ungelste vanne drie knäök, naeven 't sjaambein en 't dermbein, die same de häöp vörme.
't Zitbein vörmp de ungelste baogvörmige begrenzing van 't verstaoke häöplaok (foramen obturatum). Óngeraan ane boebbel (tuber ischiadicum) get verdiek. Hie deentj 't es aanbinjingsplaats veure spieren en es zitpuntj, wo zich ouch e läögske vèt bevindj.
Baove de boebbel bevindj zich de zitbeinsdäöre (spina ischiadica), dae twieë deiler vanne bekkelien sjèdj: incisura ischiadica major enne incisura ischiadica minor. Me kan dees allein zeen vanoete ziej.