Asturias

ZE	Quésta pàgina a l'é scrîta in zenéize, segóndo a grafîa ofiçiâ

Asturias (Principado de Asturias in spagnòllo, Principáu d'Asturies in asturiàn) a l'é 'na comunitæ outònoma da Spàgna formâ da 'na sôla provìnsa, ch'a l'à cómme capitâle a çitæ de Oviedo. A g'ha 'na superfìcce de 10.603,57 km² pe 1.004.499 abitànti (a-o 2022), pægi a tòsto o 2% da popolaçión totâle da naçión spagnòlla, e a sò fèsta a l'é a-i 8 de seténbre, giórno de Covadonga e Asturias.

Asturias comunitæ outònoma
(es) Comunidad Autónoma del Principado de Asturias
Localizaçión
Stâto	Spàgna
Aministraçión
Capolêugo	Oviedo
Prescidénte	Adrián Barbón (FSA - PSOE) da-o 2017
Dæta de instituçión	11 zenâ 1982
Teritöio
Coordinæ: do capolêugo	43°21′41″N 5°50′52″W43°21′41″N, 5°50′52″W (Asturias)
Superfìcce	10 603,57 km²
Abitanti	1 004 499 (2022)
Denscitæ	94,73 ab./km²
Âtre informaçioìn
Léngoe	Spagnòllo, Asturiàn, Eonaviego
Fûzo oràrio
ISO 3166-2	ES-AS
Nomme abitanti	Asturién
Raprezentànsa parlamentâre	8 congrescìsti, 6 senatoî
Ìnno	Asturias, patria querida
Mòtto	(la) Hoc signo tuetur pius, Hoc signo vincitur inimicus
Cartògrafîa
Asturias – Localizzazione
Scîto instituçionâle

A léngoa ofiçiâ o l'è o castigiàn, comuneménte dîto spagnòllo, ma gh'é parlòu l'asturiàn (asturianu) ò bable ascì. A léngoa regionâle a no l'é ofiçiâ ma a gh'à de proteçioìn inte l'Estatuto de Autonomía de Asturias. Inta çitæ de Oviedo a gh'é a sêde l'Academia de la Llingua Asturiana.

Giögrafîa

Föto satelitâre de Asturias

A comunitæ outònoma de Asturias a se trêuva in sciâ còsta setentrionâle da Spàgna, avansâ in sce l'Òcéano Atlàntico. A confinn-a a ponénte co-a Galìçia, a levànte co-a Cantàbria e a sùd co-a comunitæ da Castìggia e Lión méntre a nòrd a l'è bagnâ da-o mâ Cantábrico. A gh'à 'na grànde richéssa paizagìstica, con numerôxi pàrchi protètti e bèn bén de atraçioìn turìstiche naturâli.

Stöia

A comunitæ de Asturias a l'é comuneménte conosciûa cómme "Prinçipâto" aprêuvo a-a sò stöia: defæti l'erêde da corónn-a spagnòlla o l'à o tìtolo de "Prìnçipe de Asturias".

Pòsti de interèsse

Panoràmma de Oviedo, o capolêugo da comunitæ

Architetûe religiôze

• Costruçioìn preromàniche de Asturias, pàrte do patrimònio de l'umanitæ da coscì dîta "àrte asturiànn-a"
• Catedrâle de Oviedo

Architetûe civîli

• Tèrme române de Campo Valdés
• Bórgo de Cudillero
• Céntro colturâle internaçionâle Oscar Niemeyer

Natûa

• Lâghi de Covadonga
• Gròtte de Tito Bustillo
• Pàrco naçionâle de Picos de Europa
• Picu Urriellu

Comunicaçioìn

Aprêuvo a l'izolaménto e a conformaçión do sò teritöio, i traspòrti inte Asturias són de lóngo stæti conplicæ. D'ancheu a región a l'è servîa da træ outostràdde e da l'ariopòrto de Asturias, co-o còdice IATA "OVD".

Aministraçión

Màppa di concejos de Asturias

A comunitæ outònoma de Asturias a l'é uniprovìnsâle (gh'é sôlo a provìnsa de Oviedo) e a l'é spartîa inte 78 concejos. E çitæ ciù inportànti da región són Gijón, con 271.843 abitànti, Oviedo (ch'a l'à 220.020 abitànti), Avilés (78.715) e Siero (51.662).

Galerîa d'inmàgine

• 
  O lâgo Enol, into pàrco naçionâle de Picos de Europa.
• 
  A gêxa de Sànta Màia de Naranco, pàrte do patrimònio de l'umanitæ de l'àrte asturiànn-a.
• 
  A catedrâle de San Salvador de Oviedo.
• 
  O bórgo de Cudillero, un di ciù bèlli da región.
• 
  L'ariopòrto de Asturias.

Âtri progètti

Altri progetti

• Wikimedia Commons

• Wikimedia Commons a contêgne di files in sce Asturias

Conligaménti estèrni

• (AST, ES) Scîto ofiçiâ, in sce asturias.es. URL consultòu o 5 lùggio 2023.
• (ES, EN, FR, DE, IT, PT) Scîto turìstico, in sce turismoasturias.es. URL consultòu o 5 lùggio 2023.
• (ES, EN, FR) Scîto turìstico dedicòu a l'àrte asturiànn-a, in sce turismo-prerromanico.com. URL consultòu o 5 lùggio 2023.