Iliade (Omero)

ZE	Quésta pàgina a l'é scrîta in zenéize, segóndo a grafîa ofiçiâ

L'Ilîade (in grêgo antîgo: Ἰλιάς) a l'é 'n poêma épico, scrîto vèrso l'VIII secólo a.C. e atriboîo a Omero, ch'o cónta i fæti da goæra de Tröia.

O libbro VIII, versci 245-253, da Bibliotêca Ambrosiana, V-VI séc. a.C.

Contegnûo

«Cànta, dêa, do Pelide Achìlle l'îra rovinôza, che infinîe pénn-e a caozò a-i Achéi, e-a caciò a l'Âde tànte fêe vìtte de eröi, e-a réize lô prêde pe-i chén e pe-i öxélli tùtti, e de Zôve se conpìva o voéi, pròpio da quànde a l'inìçio se divîzan litigàndo l'Atride prìnçipe de òmmi e-o spléndido Achìlle.»

(Ilîade: I, 1-5)

L'Ilîade a cónta i fæti da goæra de Tröia avegnûi dòppo o nöno ànno da-o seu inìçio: Agamennone o dêve restitoî a scciâva Criseide a seu poæ Crise, sacerdöte de Apóllo, ma o se refûa. O dîo pe quésto o mànda 'na pestilénsa cóntra i acanpaménti grêghi, raxón pe-a quæ Agamennone o l'acétta de rénde a dònna, ma o preténde de fâse dâ Briseide, scciâva de Achìlle.

Quést'ùrtimo, òféizo, o decìdde de abandonâ a goæra: l'ezèrcito grêgo, sénsa l'agiùtto de l'eröe, o coménsa a sobî 'na série de sconfìtte. Coscì vêgne mandòu 'na delegaçión pe convìnçe Achìlle a tornâ a conbàtte, ma lê o no veu cêde: a ògni mòddo o l'acétta de fâ lotâ o seu caìscimo conpàgno Patroclo, ch'o se véste con l'armatûa de Achìlle.

Patroclo o fa stràggio di troién, ma pöi o vêgne amasòu da Ètore, fìggio do rè de Tröia Priamo, ch'o scàngia lê pe Achìlle. Quésto, dòppo avéi saciûo do fæto, o decìdde de vendicâ l'amîgo e-o tórna a conbàtte: Agamennone o se scûza co-o Pelide e-o ghe dà inderê a seu scciâva Briseide.

Achìlle o pìggia pàrte a-a batàggia e a-a fìn o se scóntra con Ètore, ch'o mêue into duèllo: o Pelide o l'atàcca o cadâvou a 'n câro e-o ne fa scénpio strascinândolo pe træ vòtte in gîo a-e miâgie da çitadélla de Tröia. O poæ de Ètore, o rè Priamo, o decìdde de anâ d’arescôzo inta ténda de Achìlle pe suplicâlo de avéi o còrpo do fìggio mòrto: o Pelide o l'acétta e-o vêgio rè o tórna a-a seu çitæ pe celebrâ i rîti fùnebri.

Âtri progètti

Altri progetti

• Wikimedia Commons

• Wikimedia Commons a contêgne di files in sce Ilîade