Mä d'a pria (Calcolosi vescicale)

ZE	Sta pàgina a l'é scrîta in zenéize

Mä d'a pria o l'è o nomme con o quale l'è popolarmente conosciüa unn-a condision patologica che in meixinna a se definisce Calcolosi vescicale. A pö esse causä da a migrasion in ta vesciga de un calcolo proveniente da o ren. O calcolo o pö invece essise formou direttamente in ta vesciga, a causa de un ristagno dell'urinna causou da ipertrofia prostatica, fimosi o stenosi (oscia restrenzimenti) dell'uretra. Fra e cause no gh' è solo o ristagno dell'urinna, ma anche infesioin, infiammasioin, e fattori dismetabolici do meximo tipo de quelli che causen i calcoli ai ren. I calcoli vescicali pöen esse composti da calcio (originæ dall'ipercalcemia) o da açido urico (in te questo caxo dovüi a unna dieta squilibrä). A calcolosi vescicale a l'e de gran lunga ciü frequente in ti ommi che in te donne, a causa da preponderansa di ristagni vescicali in to sesso maschile. I calcoli, che pöen raggiunze grandi dimenscioin, han superfizie liscia e forma a övo. Comünemente i calcoli son singoli.

Scintomi

• Dolori ipogastrici che se irradien ao perineo e all' uretra; a votte vere coliche che se pöen irradiä finna ai genitali esterni.
• Disturbi in ta minsion.
• Ematuria (sangue in te urinne).

Prognosi

A prognosi a dipende da eventuali complicasioin comme cistite, idronefrosi, insufficiensa renale, uremia cronica. Tütte queste complicasioin son dæte dä stasi urinaria.

Esammi

• Radiografia sensa contrasto.
• Cistografia (Radiografia con contrasto).
• Cistoscopia.

Terapia

• Medica: terapia da colica, da cistite e mezüe profilattiche (e mexime da calcolosi renale).
• Chirürgica: Litotrissia oscia frammentasion strümentale do calcolo.

Âtri progètti

Altri progetti

• Wikimedia Commons

• Wikimedia Commons a contêgne di files in sce Mä d'a pria