Peruchétto (Anas crecca)

ZE	Sta pàgina a l'é scrîta in zenéize

O Perùchetto (Anas crecca Linnaeus, 1758) a l'é 'n'ània, un ôxello d'ægoa da famìggia di Anatidae, sottafamìggia Anatinae, génere Anas.

Descriçión

O màsccio o l'à a testa cô maròn con 'na maccia vèrde scûo, contornâ da 'na sotî riga gianca, ch'a va da l'éuggio a-a base do còllo; i scianchi grîxo ciæo a forma d'onda, 'na fascia vèrde metàlico e neigro in sce âe, i coscì dîti "spegi" presenti in ta femina ascì - ch'a l'é tùtta de cô in sciô maròn grîxo sqæxi cómme i massci sensa livrea nuçiâle.

Abitùdini e riproduçión

A l'apartegne a-e ànie de superficce caraterizæ da decòllo verticâle; stàn in ægoe basse e màngian in sciô fóndo sensa imergise conpletaménte. Tra queste a l'é a ciù picinn-a e a frequenta zöne umide d'ægoa dôçe, Difûzo in Eoropa, Asia a nord do 45° parallelo o sverna a Sud, zöna Mediteranea, Nord Africa. A se nutre de ciànte, alghe e bestiête.

Riproduçión: e cobie se forman in Òtôbre dòppo ch'o masccio o l'à za a livrea nuçiâle, in Primavéia, tra arvî - màzzo. A Femina a costruìsce o nîo pe tæra vixìn a l'ægoa, a l'ìnpe deciûmme, 8-11 êuve, covæ pe 21-23 giorni, i polìn làscian subito o nîo, ma a femina a-i ségoe pe armêno 'n meize.

Nómmi dialetâli do Anas crecca, into Enrico Giglioli, Resoconto dei risultati della inchiesta ornithologica in Italia

Nómmi

O nómme zenéize o l'è Perùchetto. A Vintimìggia o vegne ciamòu garganéla.^[1] Ma in zenéize a Garnanella a l'é 'n âtra ània, Anas querquedula. Squæxi o mæximo nómme che inta Lombardia, gargané - donde o Anas crecca o se ciama Durdén.^[2]^[3]