Ciampedel

Articul por Ladin Fascian

Ciampedel (Campitello di Fassa par talian), l'é n comun de la provinzia autonoma de Trent te la Val de Fascia. L paìsc l'à na populaziun de 710 sentadins ai 1 jené 2023 sun na souraspersa de 25 km². L paìsc l'é a 1.448 m.s.l.m.

Ciampedel
Raion
Stat	Talia
Region	Trentin-Südtirol
Provinzia	Trentin
Nfurmazions prinzipeles
Coordinedes	46°28'34.205"N, 11°44'29.490"E
Autëza	1 448 m
Spersa	25 km²
Populazion	710 ab. (1 jené 2023)
Densità	28,4 ab./km²
Frazions	Pian, Cercenà
Auter
Codesc de la posta	38031
Prefis dl telefon	0462
Codesc ISTAT	022036
Plata internet	www.comune.campitellodifassa.tn.it
Cherta
Cherta de {{{Inom}}}

Panorama de Ciampedel

Sie inom ladin l vegn cà dal latin campus, ciamp.

Geografìa

L paìsc l'é logà japede l Col Rodela, cognosciù ence desche "Barcon de la Dolomites", a cajon del bel panoram che se pel se goder da colassù. Sun Rodela se rua da Ciampedel sù, tras l modern impiant portamont. Da la man a nord-ovest se veit l grop dolomitich del Saslonch e a nord est la bela crepa de Sas Pordoi, l Sela e la Marmolèda.

Val Duron. Dovia la Grupa dl Saslonch, a man ciancia, y l Sela.

Paa la speisa jir a pe te Val Duron, con sie bie pré e fiores; Duron l'é la valèda che spartesc l grop del Ciadenac e chel del Saslonch. Te chest raion chi da Ciampedel i mena scialdi la besties sa mont e i và a a fèr fegn, e da da chiò ponta via l troi che mena aló da la crepes de la Mont de Sousc, percors preistorich de coleament e de barat comerzièl co la jent de Sousc, Ciastelrot e Tires.

La gejia parochièla, dedichèda a Sèn Felip e Giacum, l'é una anter cheles più veies de la val de Fascia, e la vegn nominèda per la pruma outa te n document del 1245. Del 1525 la é stata fata sù aldò del stil gotich atuèl. Sul parei da la man a sud de la gejia, apede a duc i depenc a fresch, l'é stat depent n gran Sèn Crestofol (1689).

Na carateristica frazion da mont, stravardèda dal pont de veduda urbanistich e ambientèl, l'é Pian, vila logèda soravìa Ciampedel, a 1540 m s.l.m.

Ciampedel l'é stat l prum zenter turistich-alpinistich de Fascia, con i Hotìe "Mulino" e "Agnello d'oro".

Paìsc de nonzech tel mond scientifich internazionèl (vedù l gran valor geologich che à chest lech), endèna la seconda metà de l'Otcent l'é doventà l lech de departida de sacotanta esplorazions su la Dolomites.

Lengac e dialec

A Ciampedel vegn rejonà l cazet, un de la trei varietèdes ladines de Fascia.

Zensiment	Popolazion	Ladins	No ladins	% ladins	Fontèna
2001	732	625	107	85,4%
2011	737	608	129	82,5%

Vocabolar dl ladin leterar

Ciampedel 6 1858 Tschanpödel (ZacchiaGB, DescrizionFascia1858*:4)
grd. Ciampedel fas. Ciampedel bra. Ciampedel amp. Campitello LD Ciampedel
topon.
comune nell’alta val di fassa, in trentino (grd. F 2002, fas. R 1914/99; DLS 2002; DILF 2013, amp. DLS 2002, LD DLS 2002) Ⓘ Campitello di Fassa Ⓓ Campitello im Fassatal ◇ a) l più bel scito de la Val de Sora, Ciampedel il più bel sito della Val dö sora, Tschanpödel ZacchiaGB, DescrizionFascia1858*:4 (bra.).

Galaria dales fotografies

• 
  01 Campitello di Fassa - Chiesa dei Santi Filippo e Giacomo
• 
  03 Campitello di Fassa - Chiesa dei Santi Filippo e Giacomo
• 
  04 Campitello di Fassa - Torrente Duron
• 
  05 Campitello di Fassa
• 
  20 Campitello di Fassa - Cèsa de Comun
• 
  21 Campitello di Fassa - Cèsa de Comun
• 
  22 Campitello di Fassa - Cèsa de Comun
• 
  23 Campitello di Fassa - Cèsa de Comun
• 
  30 Campitello di Fassa - Avisio
• 
  31 Campitello di Fassa - Avisio
• 
  38031 Campitello di Fassa TN, Italy
• 
  Campitello (Val di Fassa)
• 
  Campitello di Fassa (1885)
• 
  Campitello lift station - panoramio
• 
  CampitelloFassa
• 
  Rifugio Pertini