Luca Pertusaa (1637-1718)
|
Quest articol chì l'è scrivud in lombard, con la Noeuva Ortografia Lombarda |
El Luca Pertusaa (Lissandria, 29 de sgiugn 1637 - Milan, 2 de luj 1718) a l'è stad un nobel e politegh lombard.
Biografia
ModifegaDe origin lissandrina, la soa familia l'era dent la nobiltà citadina e i so du fradei, che eren di nan, eren finid a fà i pajazz in di cort de Spagna e Austria. El fa san-Michel a Milan per studià giurisprudenza e 'l taca a fà el sgiudes in del Stat de Milan e del 1672 l'è fad Senator. Del 1675 el fann member del Suprem Consili d'Italia, ma el podarà no andà a Madrid a lavorà perchè ghe moeur un magistrad e 'l gh'ha de sostituìll.
Dopo havé ciapad un feud in Lumellina, del 1683 a l'è fad president del Senad de Milan: trii agn prima gh'haveven insubid de andà al Suprem Consili a podé anca tegnì el so roeul de prima. Del 1697 el va a viver arent a San Calimer in del Palazz Pertusaa, tolt in ficc de l'Ospedal Magior.
El ved el passà del Ducad in man austriega e 'l sarà lu a ocupàss del passà di pien podé in man a l'Eugeni de Savoja del 1706: el lassarà la presidenza del Senad del 1716.
Vita privada
ModifegaEl gh'ha havud cinch fioeui con la Balbora Dal Pozz:
- Carlo Pertusaa (1675-1755), anca lu president del Senad de Milan
- Franzesch Pertusaa (1679-1752), arcivescov de Pavia
- Cristofen, governador de Pavia
- Sgian Matee, canonegh de la gesa de Santa Maria a la Scala
- Paola
Cont una dona anonema la gh'ha havud la Anna Agheta, poeu lesgitimada, che la s'è fada monega.