Numer primm

Quest articol chì l'è scrivuu in lombard, grafia milanesa.

On numer primm a l'è on quajsevoeur numer natural che 'l se pò divid domà per 1 e per lu midemm.

Per convenzion el numer primm pussee bass a l'è 2, e l'è anca l'unich numer primm pari, vist che tucc i alter se pòden divid per 2.

Per el teorema fondamental de l'aritmetica ogni numer a l'è fattorizzabil in numer primm in manera unega.

A l'è demostraa che i numer primm a hinn infinii.

Primm specifich

A gh'è di primm che seguissen di modej:

• numer primm de Mersenne (de forma M_p = 2^p - 1 indova p l'è primm)
• numer primm de Sophie Germain (on p primm tal che 2p + 1 l'è primm)
• numer primm giumej (p e p + 2 primm)
• numer primm de Fermat (de forma $2^{2^{n}}+1$)

In crittografia

In crittografia i numer primm hinn doperaa in la crittografia a ciav publega per creà 'na ciav sicura cont el moltiplicà de du numer primm assee grand (in sul mijee de cifer) e grazia al fatt che la fattorizzazion l'è assee onerosa in computazion, anca cont di supercomputer o di botnet, inveci la moltiplicazion a l'è lingera.

Cont l'algoritm de fattorizzazion de Shor in su 'n computer quantistich a l'è possibil fattorizzà in d'on temp resonevol, e donca sbassà la sicurezza de 'sta crittografia.

Riferiment

• Numeri primi: cosa sono e perché si chiamano così

Alter progett

Altri progetti

• Wikiquote
• Wikimedia Commons

• Wikiquote el gh'ha dent citazzion de o su nümar primm
• Wikimedia Commons el gh'ha dent imagin o alter archivi su nümar primm

Vos correlaa

• Numer mmirp