Tanzania

Quel articul chì l'è scrivüü in Lumbard, cun l'urtugrafia insübrica ünificada.

Quella vus chi la gh'ha minga di funt u hin trop poch. Per piesé, giunta di funt a la vus. Insì de vegh un'idea de tücc i olter vus senza font, vardii chì.

La Tanzania a l'è un paes de l'Africa urientala.

A l'è tacada al Kenya, al Ruanda, al Burundi, a la Repüblica Demucratica del Congo, al Zambia, al Malawi e al Muzambich e 'l'a bagna l'Ucean Indian.
La capital ufiziala a l'è Dodoma, ma "de facto" a l'è anmò Dar es Salaam, che l'è anca la cità püssee impurtanta del paes.
La gh'ha una süperfiss de 945.087 km² e una pupulaziun de pressapoch 37.900.000 abitant.

Storia muderna

La Tanzania a l'è nassüda in del 1964 cun l'üniun de la repübliga del Tanganica e del sültanaa de Zanzibar (dopu d'una revulüziun che l'aveva casciaa via el sültan).
El Tanganica a l'era staa un pussediment de la Germania del 1886 al 1919 e pöö a l'era passaa al Regn Ünii; Zanzibar a l'è staa un sultanaa sota el pruteturaa del Regn Ünii del 1886 a l'indipendenza.

Urganizaziun pulitiga

La Tanzanìa (nom ufizial: Jamhuri ya Muungano wa Tanzania / United Republic of Tanzania) a l'è una repübliga.
El president a l'è el Samia Hassan Suluhu (del 2021).
El prim minister a l'è el Kassim Majaliwa (del 2015).

I stat de l'Africa