Vall Calanca

Quest articol chì l'è scrivuu in lombard, grafia milanesa.

	«El bacillarà el governo, ma miga la Calanca d'inverno»
	(Proverbi de la Mesolcina)

La Calanca (Calancatal in todesch) l'è ona val di Grison.
L'è ona val lateral de la Mesolcina. L'è traversada de la Calancasca, che l'è quasi parallela a la Moesa, e la va de nord a sud.
La confina a ovest cont el Canton Tesin (val Riviera e val de Bregn). L'è voeuna di quatter vai di Grison indè che se parla Italian (e donca anch el Lombard).
Del pont de vista orografegh la se troeuva in di Alp de l'Adula, che l'è on sottagrupp di Lepontinn.
La bassa val, al contrari de quella de sora, l'è minga tant freggia.

L'Alp de Cascinarsa, in di mont sora Rossa

I montagn pussee alt

• Ponton del Fracion - 3.202 meter
• Scima Rossa - 3.161 meter
• Pizz Zapport - 3.152 meter
• Torron d'Oeurz - 2948 meter
• Cima de Gagella - 2.805 meter
• Pizz de Clar - 2.727 meter
• Pizz de Groven - 2.694 meter
• Scima de Bedoletta - 2.633 meter

I paes

Tucc i paes de la Calanca toeuven part al circol con l'istess nomm, che 'l se troeuva in del distrett de la Moesa, in di Grison.
I comun de la vall a hinn: Arvigh, Bragg, Buscen, Castaneda, Cauch, Rossa, Santa Maria e Selma.

Vos correlaa

• Calancasca
• Distrett de la Moesa
• Dialett de la Val Calanca