Colzonitt

Quest articol chì l'è scrivuu in lombard, grafia milanesa.

I colzonitt (ciamaa anca calzonitt o colzon curt putost che in ingles, short) a hinn on tipo de colzon unisess, che quatten i gamb dal cadin fin a pressapòcch i genoeucc.

Ona tosa che la gh'ha adòss on para de colzonitt de gins.

Stòria

I colzonitt scomincien a vess dovraa prenzipalment in di Staa Unii intra el XIX e 'l secol XX di bagai finna l'età de l'adolescenza. In ona quai scoeula i colzonitt faseven part de la divisa, insemma a colzin lungh fin i genoeucc. Inquand i bagai rivaven a l'adolescenza, i colzonitt vegneven sostituii di colzon normai e inscì, in del pensee de la gent, i colzonitt a l'era on indument domà per l'infanzia, anca se i soldaa che operaven in di pòst tropegai dovraven ona divisa propri cont i colzon cort.

Da la mitaa del secol XX i colzon cort a hinn intraa a fà part de l'abigliament, sia di òmen che di dònn, de tucc i età, con tutt che, anca incoeu, a l'è on pensee comun che a l'è on indument da dovraa domà in situazzion minga tiraa. In ambit e situazzion tiraa putost che de lavô, i colzon cort a hinn de spess minga consejaa se non devedaa de bon. In di paes del Medi orient i colzonitt tant molt men spantegaa intra i òmen e a hinn squas del tutt impensabel per ona dònna. Quel costumm chì a l'è prenzipalment dovuu ai tabuu sociai e religios, che a disen che a l'è minga moral che ona dònna la fà vedè i sò gamb.

Modej

Al dì d'incoeu i colzonitt cort varien per dissegn, longhezza e material. Intra i modej pussee spantegaa gh'hann da vess sigura regordaa i bermuda, dotaa de saccosc e passant per la zentura. Da i agn vottanta in poeu a hinn deventaa popolar comè anca i colzonitt fabricaa in gins lungh fin al genoeucc per i òmen, e fin al garon per i dònn. I colzon cort a hinn anca dovraa assee in del dipòrt e de spess fabricà in material tecnigh per favorì i prestazion di quij che 'l gh'hann adòss.

I colzonitt che se slonghen fin a oltra la mitaa de la polpa de la gamba a hinn ciamaa chiamati pinoccïett.

Vos ligaa

• Bermuda
• Hot pants
• Colzonitt da ciclista

Ligamm de foeura

• Short - Dizzionari de la mòda