Diana
|
Quest articol chì l'è scrivud in lombard, con la Noeuva Ortografia Lombarda |
La Diana (latin: Diana) l’è una deja ind i antighe religion romana e ellenistega, soratut considerada una patrona de la campagna e de la natura, di casciador, di bestie salvadeghe, di pajœule, dei incrosadure di strade, de la nocc e de la luna. La ven missa a para a la deja grega Artemida, e la sò figura l’ha sorbid la pupart di mitologie ligade a lee chì, soratut quelle intuitù del sò nassiment in su l’isola de Delos cont el fredell sgemell Poll[1] – nassud de Sgiœuv e Ladona – ancaben che la gh’havess un’orisgen independenta in Italia.
La Diana l’è considerada una deja versgen e la protetora di fomen in pajœul. Storegament l’era part de una triada cont oltre dò deitaa: Egera, la popœula de l’aigua – assistenta soa de lee – e el Virbi, dia di foreste.[2]
La Diana l’è propri venerada ind i religion neopagane moderne, che tœuven denter el neopaganesim roman, la striaria e la Wicca. Ind i temp antigh, medieval e moderen, Diana l’era considerada una deitaa tripla, messedada con la deja de la luna – Luna o Selena – e de l’Oltratomba – Hecate.[3][4]
Referenze
Modifega- ↑ Larousse Desk Reference Encyclopedia, The Book People, Haydock, 1995, p. 215.
- ↑ The Clay-footed Superheroes: Mythology Tales for the New Millennium ISBN 978-0-865-16719-3 p. 56
- ↑ Servius, Commentary on Virgil's Aeneid 6.118.
- ↑ Green, C. M. C. (2007). Roman Religion and the Cult of Diana at Aricia. New York: Cambridge University Press.
Ligam de denter
ModifegaLigam de fœura
Modifega
Wikimedia Commons el gh'ha dent imagin o alter archivi su Diana