Magdeburgh

Magdeburgh a l'era vüna di cità püssee impurtant de l'Età de Mez e l'ha avüü una pusiziun impurtant duranta el regn de l'imperadur Utun I el Grant, che l'è cunsideraa el prim ver imperadur del Sacher Ruman Imperi, che'l visitava suenz la cità, induè che la viveva la sua miee Editha. A l'era anca una sede arcivescuvil impurtanta. Magdeburgh a l'ha avüü di cuntrast cun la Gesa, tant che l'è stada vüna di prim cità che l'è vegnüda prutestanta, grazie a l'ativism del Martin Luter. La cità a l'è stada quasi tüta devastada duranta la Segunda Guera Mundiala e l'è stada fada sü de növ cunt un stil mudern.

Munüment püssee impurtant

El mumüment d'Otto von Guericke

Catedral
Monastee Unsere Lieben Frauen (Nostra Sciura Amada)
Munüment a caval d'Oton I
I rest de la furteza prüssiana

Gent de Magdeburgh

Otto von Guericke, om de scenza che l'aveva faa di stüdi impurtant del vöj cunt impurtant dimustraziun püblich (se regorden i emisfer de Magdeburgh)
Georg Philipp Telemann, cumpusidur baroch