Merda d'artista

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

La merda d'artista a l'è 'n oeuvera del Piero Manzoni: del 1961 l'autor l'ha sarrad 90 vaset compagn de quei de la carna in scatola, e l'ha did che dent gh'è 30 gram de la soa merda, roba marcada anca de una ticheta in quater lengov.

'Sti vaset chi inn stad vendud al pes de l'or, scambiad diretament col metall, e 'l se sa no debon cossa gh'è dent: l'Agostino Bonalumi l'ha did che gh'è dent domà del gess, del 2008 el Bernard Bazile, artista franzes, l'ha vert vun di vaset e gh'ha trovad dent un alter vaset, che l'ha minga dervid. per el Cochi Ponzoni, che l'era amis del Manzon, a gh'è dent domà de la marmelada de naranz.

Incoeu i vaset se troeuven per collezzion privade e per musee, per esempi al Musee del Noeuvcent, al Museum of Modern Art, al Center Georges Pompidou, al Tate Modern, al Klassik Stiftung Weimar, al Moderna Museet e al Musee San Fedel.

Bibliografia

F. Gualdoni, Merda d’artista, Manzoni e dopo Manzoni, in catalogo mostra “AZIMUT/H. Continuità e nuovo”, a cura di L. M. Barbero, Marsilio Editori, Venezia, 2015, pp. 169-175