Programa Mariner

Chest artícol a l'è scricc in Lumbàrt, ortograféa orientàl unificàda.

El programa Mariner l'è stat en progràma de esplorasiù spasiàla mitìt en pé de la NASA. El cunsistìa endel lancià 'na série de sónde spasiàle interplanetàrie 'ntra 'l 1963 e 'l 1973, destinàde a l'esplorasiù de Marte, Venere e Mercurio. Dei dés veìcoi spasiài, sèt i è riàcc a otègner l'obietìf prefisàt, 'nvéce tré i è nacc pèrcc.

Vergöne de chèste misiù i éra miràde a pasàga derènt ai tré pianéti e mandà sö la Tèra i dàti scentìfich che i sensùr i catàa sö ma 'n pér de chèste le g'harès pròpe duzìt mitìs en òrbita entùren a Marte. El programa l'è riàt a stabeléser divèrsi primàcc endel'esplorasiù del Sistema Solar interno. Le misiù Mariner 11 e 12 le vegnarà ricunvertìde endel mandàt del progràma Voyager e rinuminàde Voyager 1 e 2.

El programa (dal Mariner 1 al 10) l'è nìt a costà töt ensèma vergót come 554 miliù de dòlari.