Transistor
I transistor (parnonziaa sia a l'inglesa che a la lombarda) a l'è on dispositiv elettronich inventaa in del 1947 di Bell Laboratories de la AT&T e che se pò doperà 'me interruttor o amplificator. Granda revolizion in del mond elettronich, l'ha faa vinc ai sò inventor, Walter H. Brattain, John Bardeen e William Schockley, el Premi Nobel per la Fisica in del 1956.
El transistor, faa de on material semiconduttor, el gh'ha trii pòli e se l'è dada 'na tension a dò di pol a l'è possibil regolà l'elettricità del sistema e donca amplificà la sortida del transistor. L'è possibil anca doperàll 'me interruttor boolean per fà di circuitt che se pòden doperà in l'informatega.