Trevir

Quest articol chì l'è scrivuu in lombard, grafia milanesa.

Trevir (Trier in todesch; Treviri in italian; Trèves in frances; Tréier in lussemburghes; Tréveris in spagnoeu, portoghes e catalan; Augusta Treverorum in latin) l'è ona città de la Germania occidental.
L'è sede de on'università (fondada in del 1483 e sarrada sù in del period 1796-1970) e de ona diòcesi cattòliga.

Trevir Comun
Trevir - Sœmeanza
Dats aministrativ
Nom ofiçal	Trier
Stat	Germania
Land	Rheinland-Pfalz
Distret
Circondari
Nassida	16 a.C.
Politega
Sindegh	Wolfram Leibe (2015)
Territore
Coordinade	49°45′20.34″N 6°38′21.66″E
OSM	172679
Voltituden	141 m s.l.m
Superfix	117,07 km²
Abitants	112 737 ab. (31 dicember 2023)
Densitaa	962.99 ab./km²
Confin	Aach e circondario di Treviri-Saarburg
Fus orari	UTC+01:00 e UTC+02:00
Varie
Prefiss	651
Codex postal	54290, 54292, 54293, 54294, 54295 e 54296
Sigla autom.	TR
Cl. climatega
Cl. sismega
Localizazion
Trevir - Localizazion
Sit istituzional

Geografia

La se troeuva in del Land de la Renania-Palatinaa e anca se l'è foeura de tucc i circondariaa, l'è la sede de quell de Trevir-Saarburg.
Trevir l'è situada longh el fiumm Mosella, a quindes chilòmetri del Lussemburgh.

Stòria

De origin molto antigh (di leggend disen che 'l fondador el sia staa vun di fioeu del re assir Nino, Trebata), l'è stada voeuna di città pussee important de l'Imperi Roman.
De fatt prima l'è stada el capploeugh de la Gallia Belgiga, poeu, con la tetrarchia, l'è vegnuda voeuna di quatter capitai de l'Impero. L'è staa anca la prima sede vescovil de la Germania.
Al temp del Sacher Roman Imperi, el vescov de Trevir l'era vun di princip elettor de l'imperador. A Trevir hinn nassuu el Karl Marx (el pader del comunismo) el vescov de Ascoli Piceno Sant Emidi e soratutt el sant patrònn de Milan, Sant Ambroeus.

I monument

Di quatter capitai de la tetrarchia romana (con Milan, Sirmi, Nicomedia), Trevir l'è quella con pussee trasc stòrigh anmò in pee al dì d'incoeu. Per esempi, pòdom trovàggh la Porta Nigra, on pont sora el fiumm, i rest de on anfiteater e di term imperiai e la Basiliga de Costantin.
De on period pussee recent a gh'è vari ges compagn de quella de San Paolin o anca la cà indè che l'è nassuu el Karl Marx.
Tant de 'sti monument hinn consideraa de l'UNESCO patrimòni de l'Umanità.

Galeria de foto

• 
  El Dòmm de la città
• 
  El palazz del princip elettor e, de dree, la Basiliga de Costantin
• 
  La Porta Nigra

Gemellagg

• Ascoli Piceno, Italia.
• Metz, Francia.
• Gloucester, Regn Unii.
• 's-Hertogenbosch, Paes Bass.
• Pòla, Croazia.
• Fort Worth, Statt Unii.
• Weimar, Germania.
• Nagaoka, Giappon.