Mattheo Capitulo 13
1 In ille die Jesus exiva ab casa e sedeva juxta le mar; 2 e multe turbas reuniva se insimul ille, ita Jesus ascendeva a un barca e sedeva e tote le turba situava se super le plagia. 3 E Jesus parlava multe cosas in parabolas e diceva: Ecce le seminator exiva a seminar. 4 E dum ille seminava, alcun semines, cadeva juxta le cammino e le aves veniva e los manducava. 5 Ma altere semines cadeva super le petras ubi illos non habeva multe terra e subito illos germinava quia le terra non habeva profunditate; 6 ma le sol exiva e le semines adureva se marceva se quia illos non habeva radice. 7 Ma altere semines cadeva super le spinos e le spinos montava e suffocava le semines. 8 Ma altere cadeva super le terra bon e dava fructos, le unes, cento; le altere, sexanta; le altere, trenta. 9 Qui ha auditos audi. 10 E le discipulos approchava se e diceva le: Quare les parla tu in parabolas? 11 E ille respondente diceva les: Quia le mysterios del regno del celos ha essite date cognoscer a vos, ma non ha essite date a illes. 12 Quia on essera date a qui tene e ille abundara, ma on quitara usque lo que tene ab ille que non tene. 13 Dunque io parla les in parabolas, pois illes vidente non vide, e illes audiente non audi ni intende. 14 On comple assi le prophetia de Isaias le qual prophetia dice: Con audito vos audira e nullemente vos comprendera, e vidente vos videra ma nullemente vos percipera. 15 Quia le corde de iste populo se insensibilisava e con le dur auditos illes audiva e illes serrava lor oculos. Non illo sia que illes vide con le oculos e audi con le auditos e con le corde illes intende e converte se e io les sana. 16 Ma vostre oculos es beate quia illos vide e vostre auditos quia los audi. 17 Amen, io dice vos que multe prophetas e justos anhelava ver lo que vos vide e illes non videva e audir lo que vos audi e illes non audiva. 18 Pois audi vos le parabola del seminator. 19 Quando qui audi le parola e non intende, le maligno veni e spolia lo que ha essite seminate in su corde; iste es lo que esseva seminate juxta le cammino. 20 Ma lo que esseva seminate super le petras, iste es qui audi le parola e con gaudio ille tosto lo recipe, 21 ma ille non tene radice in se mesme e solmente ille es fructo precoce ma si le affliction o le persecution per causa del parola veni, ille tosto senti se offendite. 22 Ma lo que esseva seminate inter le spinos, iste es qui audi le parola ma le preoccupation del mundo e le fraude del ricchessa suffoca le parola e ille deveni infructuose. 23 Ma lo que esseva seminate super le bon terra, iste es qui audi le parola e lo intende e porta fructo e le uno produce cento; le altere, sexanta; le altere, trenta. 24 Altere parabola Jesus les proponeva e diceva: Le regno del celos es comparate a un homine qui seminava bon semine in su campo. 25 Ma durante que le homines dormiva, su inimico veniva e seminava lolio supra e ille vadeva. 26 Ma quando germinava le herba e produceva le fructo, tunc le lolio anque appareva. 27 E le servos del domino del casa veniva e le diceva: Senior, non seminava tu semine de bon qualitate in tu campo? De ubi, pois, veni iste lolio? 28 Me ille diceva les: Un homine inimico ha facite isto. Ma le servos le dice: Vole, pois, tu que nos vade pro colliger lo? 29 Ma ille diceva: No, non illo sia que vos, colligente le lolio, tamben vos excava conjunctemente le frumento. 30 Lassa vos crescer ambes conjunctemente usque le recolta, e in tempore del recolta io dicera a falcatores: Collige primo le lolio e liga lo in fasces a fin de comburer lo completemente, ma le frumento porta lo a mi granario. 31 Altere parabola ille proponeva e diceva: Le regno del celos es simile a un grano de mustarda que un homine prendeva e seminava in su campo; 32 le qual es le plus parve que tote le semines, ma quando illo ha crescite es le major del vegetales e deveni un arbore, assi que le aves del celo veni e annida se in illo. 33 Altere parabola ille parlava les: Le regno del celos es simile a un levatura que prendeva un femina e illa occultava in tres mensuras de farina, usque toto era fermentate. 34 Jesus parlava tote iste cosas al turbas e sin parabolas nihil parlava les, 35 a fin de que on complerea lo que diceva le propheta: Io aperira in parabolas mi bucca, io proclama le occulte ab le fundation del mundo. 36 Tunc post lassar ir le turbas, Jesus ingressava in casa. E su discipulos approchava se a ille e illes diceva: Declara nos le parabola del lolio del campo. 37 Ma ille respondente diceva: Qui semina le bon semine es le Filio del Homine: 38 le campo es le mundo; e le semine de bon qualitate es le filios del regno; ma le lolio es le filio del Maligne, 39 e le inimico que lo seminava es le diabolo, e le recollection es le consummation del seculo e le recoltores son le angelos. 40 In consequentia, assi como le lolio es colligite e es consummate con foco assi illo essera in le consummation del seculo, 41 le Filio del Homine inviara le angelos e illes colligera tote le scandalos e qui face le iniquitate, 42 e illes jectara les al furno de foco: illic habera lamentationes e stridulation de dentes. 43 Tunc le justos resplendera como le sol in le regno de su Patre. Qui tene auditos, audi. 44 Le regno del celos es simile a un thesauro que ha essite abscondite in le campo, un homine lo incontrava e lo abscondeva e per le gaudio de illo ille va e vende toto lo que tene e ille compra ille campo. 45 De nove le regno del celos es simile a un mercator que cerca petras preciose; 46 e ille incontrava un perla de valor e iva e vendeva toto lo que ille habeva e comprava le perla. 47 De nove, le regno del celos es simile a un rete jectate al mar que ha colligite tote classe de pisces, 48 e quando le rete plenava se, illes lo removeva al litore e sedeva se e colligeva le pisces de bon qualitate in corbes e jectava foras illos de mal qualitate. 49 Assi illo essera in le consummation del seculo, le angelos sortira e separara le malignos ab medio del justos, 50 e repulsara illes al furno de foco, illic habera lamentationes e stridulation del dentes. 51 Intende vos tote iste cosas? Illes dice le: Si. 52 E ille les diceva: Dunque tote scriba que ha essite instruite in le regno del celos es simile a un homine senior de su casa que remove de su thesauro cosas nove e cosas vetere. 53 E adveniva quando Jesus terminava iste parabolas, ille translatava se ex illic. 54 E Jesus, venite a su patria, inseniava les in lor synagoga usque le puncto que illes remaneva atonite e illes diceva: De ubi le veni a iste iste sapientia e le miraculos? 55 Non es iste le filio del carpentero? Non es su matre Maria e su fratres Jacobo e Joseph e Simon e Judas? 56 E an su sorores non son con nos? De ubi tene iste tote iste cosas? 57 E illes scandalisava se in ille. Ma Jesus dice les: Non es un propheta sin honor excepte in su patria e in su casa. 58 E Jesus non faceva illic multe miraculos a causa de lor incredulitate.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev