Яку Пинясов

Яку Пинясов (руз.: Пинясов Яков Максимович; шач. 29 декабрьста 1913, тячиень Мордовиянь Зубунь райононь Мокшень Кужа велесь – кул. 22 майста 1984 , Саранск ошсь) — мокшень валморайсь ди сёрмадысь. Калконь (1983 к.), шнаф (1963 к.) сёрмады, Мордовиянь Масторонь казнень лауреат (1970 к.). Советонь Сотксонь Сёрмадыень сотксноь якай (1940 к.).

Яку Пинясов
шачень	29 декабрьста 1913(1913-12-29) или 1913
шачема васта	Мокшень Кужа, Спассконь уезд[d], Томбунь губерния[d], Россиянь империясь[d]
куласть	22 майста 1984(1984-05-22) или 1984
кулома васта	Саранош, РСФСР, Советонь Соткс
мастор	Советонь Соткс
тев теят	сёрмадысь
казнет
Яку Пинясов

Сёрмадома ушедсь 20-це кизотнень песта. «Эряфсь панжи», «Эряфсь аськоляй инголи», «Тол» валморонь кярьксонь эса азондсь колхозонь эряфть, марстонь покамать, культуронь эряфса сатфкснень колга.

Лама сёрмадсь иттненди. Тяштсь азкст, ёфкст, повесть, новеллат. Пинясовонь произведениянза кошярясазь шабатнень ламонь содама, тонафнезь лац прянь вятема, шачема масторть, шачема кяльть кельгома. Сёрмадсь 70 лама китап иттненди, ламотне эздост ётафт рузонь кяльс. «Обыкновенные варежки» азксонь кярькссь Москуса нолявст сисемксть, «Шумный брат» повестсь – кафксть.

Пинясовонь покаманзон ётафтфста лувондсазь Оцю Британияса, Болгарияса, Мадьярмасторса, Дойчмасторса, Китайса, Румынияса, Чехмасторса, Словакияса.

Казьф медальса, синь ётксост «Москуть араламанкса» медальсь.

Кяльвалсь

• Энциклопедия «Мордвась» Саранск, 2006 к. 514 л.