Kartago

I Kartago dia tanàna toniziana ao avaratra atsinanan' i Tunis renivohitra. Atao hoe Karthago na Carthago izy amin' ny teny latina fa قرطاج / Qarṭāj [qærtˤɑʒ] kosa amin' ny teny arabo.

Toarena manan-tantara sisa tamin'ny tananan'i Kartago fahiny.

Ilay tanàna ponika fahiny izay noravana avy eo namboarin' ny Rômana indray, izay renivohitry ny faritanin' i Afrika rômana tamin' izany fotoana izany dia lasa isan' ireo tanàna manan-karena indrindra ao amin' i Tunis Lehibe, izay fonenana ôfisialin' ny filohan' ny Repoblika, ahitana koa ny fonenan' ireo ambasadoro na ireo mpanefoefo toniziana na vahiny. Io tanàna io dia mbola ahitana toerana manan-tantara rômana sy ponika, izay vosokajy ho fananana arovan' ny Unesco nanomboka tamin' ny 27 Jolay 1979.

Ny tanànan' i Kartago tamin' ny taona 2014 dia nisy mponina 17 010. Ao no misy ny lapan' ny filoham-pirenena, ny môskea Mâlik ibn Anas, ny mozeam-pirenen' i Kartago ary ny Akademia toniziana momba ny siantsa sy ny soratra ary ny zavakanto. Ny seranam-piaramanidina iraisam-pirenenan' i Tonisy-Kartago dia kilometatra vitsy ao andrefan' i Kartago.