Vavam-pivaviana
Ny vavam-pivaviana, ao amin' ny biby mampinono, dia ny ampahany miseho ivelany amin' ny taovam-pananahana vavy. Fitambaran' ireto tanisaina manaraka ireto ny vavam-pivavian' ny olombelona: ny tampom-pivaviana, ny molotra lehibe, ny molotra kely, ny kitso, ny lavak' amany, lava-pivaviana, ny sarom-pivaviana, ny fiharin' i Bartholin ary ny fiharin' i Skene. Ny vavam-pivaviana dia ahitana ny lavaky ny fivaviana, izay mizotra mankany amin' ny tranonjaza, ary manome fiarovana roa sosona amin' ity amin' ny alalan' ny fiforitry ny molotra ivelany sy anatiny. Manohana ny firafitry ny vavam-pivaviana ny hozatra anelanelam-pe.
Iantohan' ny fanely ra telo ny famatsian-dra ao amin' ny vavam-pivaviana. Mandritra ny ra hiverina any amin' ny fony mpamerin-dra anatiny ny fantsona mpamerin-dra. Mitondra ranon-tselafotsy miala amin' ny vavam-pivaviana mankany amin' ny atodintariana amin' ny teta ny mpamerin-dranoka anatiny. Misy koa ny fitatitra mamatsy ny vavam-pivaviana. Manampy amin' ny fientanana ara-nofo izay ilaina amin' ny fizoran' ny fananahana ny famatsian-dra sy ny fitatitra amin' ny vavam-pivaviana.
Aorian' ny fivoaran' ny vavam-pivaviana dia misy ny fiovany amin' ny fotoan' ny fahaterahana, ny fahazazana, ny fahamaotiana, ny fitsaha-jaza ary ny aorian' ny fitsaha-jaza. Misy fiovana lehibe eo amin' ny endriky ny vavam-pivaviana, indrindra eo amin' ny molotra kely. Ny vavam-pivaviana dia mety ho voan' ny aretina maro. Afaka misoroka ny maro amin' izany ny fepetra ara-pahasalamana momba ny vavam-pivaviana sy ny lalanjaza. Ao koa ny aretina vokatry ny otrikaretina sy ny homamiadana. Misy ny fandidiana famerenana amin' ny laoniny ny vavam-pivavina, ary ny sasany amin' izy ireo dia fandidiana fanatsarana endrika.
Samy manana fomba fijery momba ny vavam-pivaviana ny kolontsaina samihafa. Nivavaka amin' ny vavam-pivaviana sy nanao fanompoana ho an' ny vehivavy izay heverina ho toy ny andriamanibavy ny fivavahana sy ny fiarahamonina sasany tamin' ny Andro Taloha. Manohy izany ny sampana lehibe sasany ao amin' ny hindoisma. Ao amin' ny fiarahamonina tandrefana dia nisy fiheverana miiba amin' ny ankapobeny momba ny vavam-pivaviana izay nasehon' ny fomba fitenin' ny fitsaboana hoe pudenda membra izay midika hoe "ampahany mahamenatra". Nisy ny fanehoan-kevitra ara-javakanto momba izany tamin' ny andrana isan-karazany natao hitondrana fomba fijery miabo sy voajanahary kokoa, toy ny sanganasan' ny mpanakanto britanika sy amerikana ary japôney.