Wikipedia

Sjafruddin Prawiranegara

pahlawan revolusi Indonesia

Mr. Sjafruddin Prawiranegara, atau biaso pulo ditulih Syafruddin Prawiranegara (lahia di Serang, Banten, 28 Februari 1911 – maningga di Jakarta, 15 Februari 1989 pado umua 77 taun) adolah pajuang kamardekaan Indonesia. Syafruddin parnah manjabat sabagai Presiden/Katua PDRI (Pamarentahan Darurat Republik Indonesia) katiko pamarentahan Republik Indonesia di Yogyakarta jatuah ka tangan Balando dalam Agresi Militer Balando II pado tanggal 19 Desember 1948.[1] [2] Syafruddin Prawiranegara parnah pulo sakali manjabat wakil pardana mantari, sarato manjabat mantari sabanyak tigo kali, iyolah Mantari Kauangan, Mantari Pardagangan jo Mantari Partanian Republik Indonesia. Salain itu, Syafruddin adolah urang nan partamo manjabat Gubernur Bank Sentral Indonesia pado taun 1951.

Infobox orangSjafruddin Prawiranegara
Namo dalam bahaso usali(id) Syafruddin Prawiranegara Edit nilai pada Wikidata
Biografi
Lahia28 Pebruari 1911 Edit nilai pada Wikidata
Karesidenan Banten (id) Terjemahkan Edit nilai pada Wikidata
Kamatian15 Pebruari 1989 Edit nilai pada Wikidata (77 tahun (id) terjemahkan)
Daerah Kusuih Ibukota Jakarta Edit nilai pada Wikidata
  Menteri Keuangan Indonesia (id) Terjemahkan 

6 September 1950 – 20 Maret 1951
Bagian dari kabinet (id) Terjemahkan: Kabinet Natsir (id) Terjemahkan

  Menteri Keuangan Indonesia (id) Terjemahkan 

20 Desember 1949 – 6 September 1950
Bagian dari kabinet (id) Terjemahkan: Kabinet Republik Indonesia Serikat (id) Terjemahkan

  Menteri Pertahanan (id) Terjemahkan 

19 Desember 1948 – 13 Juli 1949
Bagian dari kabinet (id) Terjemahkan: Kabinet Darurat

  Presiden Republik Indonesia 

19 Desember 1948 – 13 Juli 1949
  Daftar Pardana Mantari Indonesia 

19 Desember 1948 – 13 Juli 1949
Bagian dari kabinet (id) Terjemahkan: Kabinet Darurat

  Menteri Keuangan Indonesia (id) Terjemahkan 

2 Oktober 1946 – 3 Juli 1947
Bagian dari kabinet (id) Terjemahkan: Kabinet Sjahrir III (id) Terjemahkan
Edit nilai pada Wikidata
Data pribadi
Kalompok etnisUrang Minangkabau Edit nilai pada Wikidata
Ideologi politik (id) TerjemahkanSosialisme Islam (id) Terjemahkan, Sosialisme liberal (id) Terjemahkan jo antikomunisme (id) Terjemahkan Edit nilai pada Wikidata
AgamoIslam Edit nilai pada Wikidata
Kagiatan
KarajoPolitikus, ekonom (id) Terjemahkan jo ahli filsafat Edit nilai pada Wikidata
Partai politikPartai Masyumi (1945) Edit nilai pada Wikidata
Kaluarga
Pasangan hiduikTengku Halimah Syehabuddin (id) Terjemahkan Edit nilai pada Wikidata
AnakFarid Prawiranegara (id) Terjemahkan Edit nilai pada Wikidata
AbakArsjad Prawiraatmadja (id) Terjemahkan Edit nilai pada Wikidata, Noeraini (id) Terjemahkan Edit nilai pada Wikidata
Tando tangan

Katiko manjabat Mantari Kauangan, karano kaadaan ekonomi nan kurang elok, Syafruddin mambuek kabijaksanaan moneter nan mambuek harago pitih manjadi tingga saparo. Kabijaksanaan nan dikarajoan dek Syafruddin tu dinamoan urang Guntiang Syafruddin.

Katiko paristiwa PRRI (peri-peri) nan tajadi di Sumatera pado taun 1958, Syafruddin manjadi pamimpin disitu, Syafruddin diangkek sabagai Presiden PRRI nan bapusek di Sumatera Tangah.

Karano katarlibatan baliau di PRRI, Syafruddin indak diagiah gala Pahlawan Nasional Indonesia dek pamarentah Indonesia. Baru di bawah pamarentahan Susilo Bambang Yudhoyono lah gala nan patuik baliau sandang tu diagiahan dek pamarentah.[3]

Pandidikan

suntiang

Sjafruddin mamiliki namo ketek "Kuding", nan barasa dari kato "Udin" pado namo Sjafruddin. Inyo mampunyoi darah katurunan Banten dari pihak ayah jo Minangkabau dari pihak ibu.[4] Buyuiknyo dari pihak ibu, Sutan Alam Intan, masih katurunan rajo Pagaruyung di Sumatra Barat, nan dibuang ka Banten karena talibat Parang Paderi. Inyo manikah jo putri bangsawan Banten, malahiakan kakeknyo nan kamudian mamiliki anak banamo Raden Arsyad Prawiraatmadja. Ayah Syafruddin bakarajo sabagai jaksa, tapi cukuik dakek jo rakyat, karanonyo dibuang dek Balando ka Jawa Timur.

Syafruddin manampuah pandidikan ELS pado tahun 1925, dilanjuikkan ka MULO di Madiun pado tahun 1928, kamudian AMS di Bandung pado tahun 1931. Pandidikan tingginyo diambiaknyo di Rechtshoogeschool (Sekolah Tinggi Hukum) di Jakarta (kini Fakultas Hukum Universitas Indonesia) pado tahun 1939, sarato bahasia maraiah gala Meester in de Rechten (kini satara jo Magister Hukum).[5][3]

Sasudah lulus dari Rechtshoogeschool, Syafruddin bakarajo manjadi redaktur di surek kaba Soeara Timur dan mangapaloi Perserikatan Perkumpulan Radio Ketimuran (PPRK) antaro tahun 1940 dan 1941. Salamo maso awal kariernyo, Syafruddin mulai manunjuakan sikap-sikap nasionalis, dan inyo indak satuju jo tuntutan-tuntutan nan "moderat" (manuntuik otonomi nan labih di Indonesia) dalam Petisi Soetardjo tahun 1936.[6][7] Belakangan, Syafruddin ditarimo bakarajo di kantua pajak di Kediri, sabagai ajudan inspektur pajak.[6][7] Sabalun pandudukan Japang, inyo juo sempat managakan organisasi untuak manolong korban parang.[8]

Pado maso pandudukan, Syafruddin diangkek manjadi kapalo kantua pajak di Kediri sabalun dipindahan ka Bandung.[6][7][9] Dalam maso pandudukan iko, Syafruddin mulai bapikia bahasonyo kemerdekaan Indonesia musti dicapai sacapeknyo, sahinggi inyo bagabuang jo gerakan kemerdekaan nan sangkek itu masih manggariak di bawah tanah.[10] Dek itu, inyo acok basobok jo Sutan Sjahrir dan meskipun Syafruddin surang manolak dikaikan, banyak nan maanggapnyo sabagai bagian kelompok perlawanan Sjahrir.[11] Melalui program pendidikan nan dilakuan dek kaum ulama di sakitar Bandung, Syafruddin basamo Mohammad Natsir juo banyak mangkritik kebijakan-kebijakan pamarentahan militer Japang.[12]

Karier politik

suntiang

Awal revolusi

suntiang
 
Sjafruddin Prawiranegara pado tahun 1947.

Sasudah proklamasi kamerdekaan Indonesia, Syafruddin dipiliah sabagai salah saurang dari 15 anggota Badan Pekerja Komite Nasional Indonesia Pusat (KNIP) pado 17 Oktober 1945 (sabulan jalang Masyumi tabantuak). Sabalunnyo, inyo marupoan anggota KNI Pariangan.[7][13][14][15] Pado 1946, Syafruddin manjadi anggota Masyumi, meski samulo sempat ditawari masuak Partai Sosialis Indonesia (PSI) dek Sjahrir jo Amir Syarifuddin.[14] Manuruik Syafruddin, inyo mamiliah masuak Masyumi sabagai saurang Islam, meskipun pado wakatu itu inyo indak mamiliki pangalaman samo sekali dalam organisasi Islam.[16] Sangkek itu, inyo berkontribusi manyudahan status monopoli partai nasional dalam proses tabantuaknyo Maklumat Wakil Presiden Nomor X sabagai parubahan fungsi KNIP manjadi badan legislatif sehari-hari, nan manjadian Indonesia labih mandakek ka sistem parlementer. Hal itu juo nan diharokan mambantuak citra Indonesia sabagai pamarentahan nan demokratis jo dipaituangan dalam politik lua nagari.[17] Berkat kedekatannya jo Sjahrir, Syafruddin ditunjuak manjadi Menteri Muda Keuangan dalam Kabinet Sjahrir II antaro 12 Maret 1946 sampai 2 Oktober 1946, dan kudian diangkek manjadi Menteri Keuangan dalam Kabinet Sjahrir III antaro 2 Oktober 1946 hinggo 27 Juni 1947. Inyo juo manjabaik sabagai Menteri Kemakmuran di Kabinet Hatta I mulai 29 Januari 1948.[7][18] Sjahrir sabananyo manawarkan kursi Menteri Keuangan kapado Syafruddin dalam Kabinet Sjahrir I, tetapi Syafruddin manulak dek maraso kurang bapangalaman. Belakangan, Syafruddin berkomentar bahasonyo sasudah mancaliak caro karajo Menteri Keuangan Panji Surachman Cokroadisuryo, inyo maraso labih cocok manjabaik.[19]

Di bidang keuangan, Syafruddin punyo peran gadang dalam tabiknyo Oeang Republik Indonesia (ORI), salah satunyo dengan mambuek Mohammad Hatta yakin untuak manabikan mato uang surang sabagai tando malawan Belanda dan untuak manunjuakan keseriusan pamarentah Republik Indonesia nan masih jolong.[20] Sangkek Hatta sempat ragu-ragu, Syafruddin mangecek ka inyo bahaso "apobilo Hatta ditangkok Balando, inyo akan digantuang bukan sabagai pamalsu pitih, tapi sabagai pambarontak". Syafruddin manjadi Menteri Keuangan patamo di Indonesia nan mandistribusikan mato uang Indonesia pado akhia tahun 1946, meskipun di lembaran ORI mulonyo tacetak tando tangan Alexander Andries Maramis nan maatur proses percetakannyo.[19][21] Syafruddin salanjuiknyo ikuik sarato dalam konferensi Economic Council for Asia and the Far East di Manila, Filipina pado 1947. Sangkek itu, partai Masyumi berkolaborasi jo Partai Komunis Indonesia (PKI) dalam sajumlah organisasi, sahinggo banyak delegasi di Manila maanggap Syafruddin jo para konconyo juo bapaham kumunih. Takajuik dek anggapan tersebut, inyo manerbitkan Politik dan Revolusi Kita pado 1948 untuak manjalehan hubuangan nan rumik antaro partai-partai Islam jo kumunih di Indonesia pado maso itu.[22]

Pado tahun patamo sasudah kamerdekaan, Syafruddin banyak mangkritik kelompok urang mudo nan dianggapnyo indak realistis dalam manakan pamarentah. Kolomnyo di surek kaba Berita Indonesia pado Februari 1946 mamuji Vladimir Lenin jo Joseph Stalin sabagai tokoh-tokoh "realis" dan mandukuang pandekatan Realpolitik Sjahrir nan labiah pragmatis jo realis. Kolom iko ditulih sabagai tanggapan ateh pidato Jenderal Sudirman nan dianggap Syafruddin maangek-angekan kelompok urang mudo jo maabaian kurangnyo persenjataan Tentara Republik Indonesia. Bahkan, Syafruddin mangutuak pihak-pihak nan mandorong para urang mudo untuak tajun ka medan perang hanyo jo bambu runciang.[23]

Pamarintah Darurat Republik Indonesia

suntiang

Syafruddin adolah urang nan ditugaskan dek Soekarno jo Mohammad Hatta untuak mambantuak Pamarintahan Darurat Republik Indonesia (PDRI), katiko Presiden Soekarno jo Wakia Presiden Mohammad Hatta ditangkok pado Agresi Militer II, kamudian diasingkan dek Balando ka Pulau Bangka, pado tahun 1948. Hatta nan alah mangiro Soekarno jo inyo ka ditahan Balando sacapeknyo maagiah mandat ka Sjafruddin untuak malanjuikkan pamarintahan, supayo indak tajadi kakosongan kakuasaan.[2]

Dek usaho Pamarintah Darurat, Balando tapaso barundiang jo Indonesia. Pajanjian Roem-Royen mangakhiri upayo Balando, kamudian pado akhianyo Soekarno jo kawan-kawan dibebaskan jo baliak ka Yogyakarta. Pado tanggal 13 Juli 1949, diadokan sidang antaro PDRI jo Presiden Soekarno, Wakil Presiden Moh Hatta sarato sajumlah mantari kadua kabinet. Sarah tarimo pangambalian mandat dari PDRI sacara resmi tajadi pado tanggal 14 Juli 1949 di Jakarta.[2]

Jabatan pamarintahan

suntiang

Syafruddin Prawiranegara parnah manjabaik sabagai Wakia Perdana Mantari, Mantari Kauangan, sarato Mantari Kamakmuran. Inyo manjabaik sabagai Wakia Mantari Kauangan pado tahun 1946, Mantari Kauangan nan partamo kali pado tahun 1946 sarato Mantari Kamakmuran pado tahun 1947. Katiko manjabaik sabagai Mantari Kamakmuran ikolah tajadi Agresi Militer II kamudian manyababkan tabantuaknyo PDRI.

Sasudah manyarahkan baliak kakuasaan Pamarintah Darurat RI, inyo manjabaik sabagai Wakia Perdana Mantari RI pado tahun 1949, kamudian sabagai Mantari Keuangan antaro tahun 1949-1950. Salaku Mantari Kauangan dalam Kabinet Hatta, pado bulan Maret 1950 inyo malaksanakan pangguntingan pitih dari nilai Rp 5 ka ateh, sahinggo nilainya tingga saparuah. Kabijaksanaan moneter nan banyak dikritik itu tanamo juo jo julukan Gunting Syafruddin.

Syafruddin kamudian manjabaik sabagai Gubernur Bank Sentral Indonesia nan partamo sakali, pado tahun 1951.Kahin 1989, p. 103 Sabalumnyo inyo adolah Presiden Direktur Javasche Bank nan tarakhia, nan kamudian diubah manjadi Bank Sentral Indonesia.

Gubernur BI

suntiang

Pamarentah Indonesia malakuan nasionalisasi De Javasche Bank pado tahun 1951 dengan mambali sahamnyo dan maubahnyo manjadi badan pamarentah.[24] Syafruddin surang sabananyo indak satuju atas kebijakan iko, dek inyo bapandapek bahaso alun cukuik banyak urang Indonesia dengan pangalaman perbankan.[25] Meskipun baitu, inyo ditunjuak manjadi Gubernur De Javasche Bank (balakangan Bank Indonesia atau BI mulai tanggal 1 Juli 1953)[26] pado tanggal 15 Juli 1951, sasudah gubernur sabalunnyo A. Houwink nan berkebangsaan Belanda maunduran diri.[25] Mulonyo, Syafruddin baniaik manolak dek ingin pensiun dari pamarentahan dan bakarajo di sektor swasta, tapi inyo akhirnyo satuju manjadi gubernur dengan syarat bahasonyo pagawai Indonesia akan manerimo upah nan samo jo pagawai-pagawai Balando.[27]

Pandangan ekonomi jo kauangan Syafruddin cukuik mirip jo Houwink. Syafruddin manyebuik, Houwink maanggap dirinyo sabagai pangganti nan sasuai. Dalam laporan tahunannyo nan patamo, Syafruddin bapandapek bahaso ahwa De Javasche Bank harus tetap manjalankan operasi perbankan umum dek lamahnyo pasar modal jo akses ka fasilitas perbankan di Indonesia.[24] Syafruddin marupoan panyusun statuta BI, dan inyo manetapkan bahasonyo cadangan ameh jo valuta asing di BI minimal 20 persen dari nilai mata uang nan ditabikan. Kabijakan cadangan wajib minimal iko dikritik dek banyak ekonom jo pakar kauangan pado masanyo, takah Sumitro nan sangkek itu manjabaik sabagai Menteri Keuangan, dan dianggap sabagai kabijakan nan gagal mancapai tujuannyo.[28]

Syafruddin juo acok mangkritik kabijakan pro-"pribumi" pamarentah nan dianggapnyo kurang jaleh mamisahan modal "asiang" jo "dalam nagari". Manuruik Syafruddin, perbedaan antaro modal asiang jo dalam nagari hanyo didasaran remitansi: dengan kato lain, kok kauntungan dibaok ka luar nagari, modal tersebut "asiang", dan kok kauntungan tetap di Indonesia, modal tersebut "dalam nagari". Berdasarkan kriteria Syafruddin iko, pangusaho-pangusaho Tionghoa-Indonesia marupoan pangusaho dalam negeri, nan batantangan jo kabijakan pro-pangusaho pribumi (Program Benteng) dari Sumitro.[29] Syafruddin juo acok mangkritik kabijakan ekonomi jo moneter pamarentah salamo Kabinet Ali Sastroamidjojo I.[30] Maso jabatan patamo Syafruddin sabagai Gubernur BI habih pado tahun 1956, dan awalnyo pamarentah nan sangkek itu dikuasai PNI nio manggantiannyo jo Lukman Hakim nan marupoan anggota partai tersebut. Meskipun baitu, dek manuver Menteri Keuangan Jusuf Wibisono, Nahdlatul Ulama mamutihkan untuak mandukuang Syafruddin sahinggo maso jabatannyo dipapanjang.[31][32]

Katalibatan dalam PRRI

suntiang

Pado tahun 1957 Sjafruddin bakonflik jo Presiden karano panentangannyo kapado nasionalisasi kapantingan ekonomi Balando, jo panantangannyo kapado Demokrasi Tapimpin, nan bapuncak pado panulisan surek kapado Soekarno pado tanggal 15 Januari 1958, dari Palembang, Sumatera Selatan, di mano Sjafruddin sadang dalam pambicaraan jo Kolonel Barlian nan mambarontak, manyuruah Soekarno untuak baliak ka Konstitusi Indonesia.[33]

Latar balakangnyo bamulo sangkek ekonomi Indonesia pado tahun 1957 sadang malamah dan situasi politik dalam nagari samakin angek. Dalam kondisi iko, parusahaan-parusahaan asiang, khususnyo milik Balando, acok dikambianghitaman sabagai pangka bala.[34][35] Opini masyarakaik alah barubah dan kini manantang posisi Syafruddin nan pro-investasi asing.[36] Salain itu, Sukarno pado tahun 1956 mulai marancanoan Demokrasi Terpimpin nan ditantang sacaro kareh dek aka rumpuik Masyumi, sahinggo Masyumi jo Kabinet Ali Sastroamidjojo II manjadi balawanan. Sajumlah tokoh Masyumi di daerah mulai mandukuang konsep negara serikat untuak Indonesia, dan perpecahan politik antaro Masyumi jo PNI samakin mamburuak. Pado tanggal 8 Januari 1957, Masyumi kalua dari koalisi pamarentah.[37]

Kaadaan politik samakin mamburuak pado tanggal 29 November 1957; Balando berhasil mancagah pambahasan Papua Barat di forum Majelis Umum Perserikatan Bangsa-Bangsa, sahingga Sukarno mamarentahan serikat-serikat buruh jo kasatuan tentara untuak maambiak aliah parusahaan-parusahaan Balando.[34][35] Syafruddin sacaro tarang-tarangan manatang proses nasionalisasi tersebut dan mengkritisi indak jalehnyo rencano pamarentah, tamasuak di muko Sukarno langsuang dalam acara Musyawarah Nasional Pembangunan.[34][38] Sasudah percobaan pambunuahan Sukarno di Cikini pado 30 November, Syafruddin dan sajumlah patinggi Masyumi lainnyo diselidiki pihak berwenang, dek sajumlah anggota komplotan marupoan anggota sayap pemuda Masyumi.[35] Salamo bulan Desember 1957, Syafruddin sarato Mohammad Natsir jo Burhanuddin Harahap kanai tuduah terlibat dalam peristiwa Cikini dek berbagai media cetak, dan mereka mulai diteror malalui telepon jo digaduah dek organisasi-organisasi paramiliter di jalanan. Untuak mamastian kaamanan pribadi jo keluarga masiang-masiang, mereka maambiak sikap untuak pai dari Jakarta, dan pado Januari 1958, Syafruddin alah barado di Padang.[35] Meskipun Natsir jo Harahap berdalih bahasonyo mereka punyo urusan lain di Sumatra, Syafruddin mangakui bahasonyo inyo alah bakirok dari Jakarta, dek inyo "indak nio mati konyol".[39][lower-alpha 1]

Akibaiknyo, inyo dipecat sabagai gubernur Bank Indonesia, karano Sjafruddin samakin talibaik jo pambarontak nan disabuik Pamarintahan Revolusioner Republik Indonesia. Sjafruddin kurang sambarono dibandingkan babarapo rekan PRRI-nyo, manantang ultimatum limo hari (atas dasar militer strategis) pado 10 Februari 1958 kapado Perdana Mantari Djuanda Kartawidjaja untuak mambantuak kabinet baru jo Hatta jo Hamengkubuwono IX, Sultan Yogyakarta, pado wakatunyo. Dek karano itu, pado tanggal 15 Februari 1958, Sjafruddin manjadi Perdana Mantari PRRI; tando tangannyo nan parnah muncua di pitih karateh maso republik (1945–1949), jo sabagai Gubernur Bank Indonesia (1951–1958), muncua di catatan PRRI. Sjafruddin manantang pambantukan negara Sumatera nan tapisah, malah mancaliak PRRI sabagai garakan integritas Indonesia, manantang sentralisasi kakuasaan di Indonesia. Kamudian pambarontakan gagal, lalu pado tanggal 25 Agustus 1961, Sjafruddin manyarah ka tentara. Inyo dipanjaro sampai 26 Juli 1966,[33] meskipun inyo diagiah amnesti resmi pado tahun 1961.[40]

Pado awal tahun 1958, Pamarintahan Revolusioner Republik Indonesia (PRRI) didirikan di Sumatra Tengah akibaik katidakpuasan kapado pamarintah karano katimpangan-katimpangan sosial nan pernah tajadi sarato pangaruah komunis (tarutamo PKI) nan samakin manguaik. Syafruddin diangkek sabagai Perdana Mantari PRRI, kamudian mambantuak Kabinet tandingan sabagai jawaban ateh dibantuaknyo kabinet Ir. Juanda di Jawa, tapi PRRI tatap mangakui Soekarno sabagai Presiden PRRI, karano inyo diangkek sacara konstitusional.

PRRI capek ditumpas dek pamarintahan pusat sampai pado bulan Agustus 1958, palawanan PRRI dinyatokan barakhia jo pamarintah pusat di Jakarta bahasia manguasai baliak wilayah-wilayah nan sabalumnyo bagabuang jo PRRI. Kaputusan Presiden RI No.449/1961 kamudian manatapkan pambarian amnesti jo abolisi untuak urang-urang nan tasangkuik jo pambarontakan, tamasuak PRRI.

Orde Baru

suntiang

Sabalun Syafruddin dibebaskan, pamimpin-pamimpin Masyumi nan dibebaskan labiah dahulu mancubo managakkan baliak Masyumi, tapi usaho iko gagal dek ABRI managahan Masyumi jo PSI..[41] Sangkek itu, Syafruddin cenderung maekspresian dirinyo malalui agamo. Inyo marupoan anggota kapangurusan sajumlah organisasi Islam, takah Korps Mubaligh Indonesia jo Yayasan Pesantren Islam (Al Azhar).[42] Inyo juo tetap berkarya dalam bidang ekonomi, dengan managakan Himpunan Usahawan Muslimin Indonesia pado Juli 1967.[43] Sacaro umum, Syafruddin mandukaung kabijakan ekonomi Orde Baru di bawah kapamimpinan menteri-menteri teknokrat takah Widjojo Nitisastro jo Mohammad Sadli.[33] Dengan bantuan Oey Beng To, inyo manulih buku Sejarah Moneter.[44] Meskipun baitu, Syafruddin manantang korupsi nan balaku salamo era Suharto, dan inyo manggunoan sarana dakwah sabagai media dalam mangaluaan kritikannyo.[45] Syafruddin juo indak setuju monopoli ibadah haji dek pamarentah pusat,[46] dan inyo bahkan sempat managakan Yayasan Dana Tabungan Haji dan Pembangunan (YDTHP) pado 9 Oktober 1970. Walau yayasan tersebut sempat bajalan, pado tahun 1976 pamarentah malakuan intervensi dek masalah keuangan nan manyebabkan labiah dari 300 orang jamaah haji talantar.[47]

Di sisi politik, Syafruddin manantang didirikannyo Partai Muslimin Indonesia (Parmusi). Syafruddin bahkan berkomentar bahaso Parmusi labiah buruak dari PKI.[48][lower-alpha 2] Kritikannyo mambaoknyo baliak ka pinjaro pado April 1978.[49] Syafruddin barikuiknyo manjadi salah satu tokoh nan mandorong jo ikuik manandotangani Petisi 50 pado 1980, basamo tokoh-tokoh eks Masyumi/PRRI takah Mohammad Natsir jo Burhanuddin Harahap, sarato sejumlah tokoh militer taah Abdul Haris Nasution joHoegeng Imam Santoso. Petisi tersebut mangkritik hubuangan arek Angkatan Bersenjata Republik Indonesia jo Golkar, caro Suharto mampakayo diri, sarato panolakan pamakaian Pancasila sabagai sanjato politik.[50][51] Pado maso itu, kebijakan pamarentah manakanan pamakaian Pancasila ciek-cieknyo pedoman bagi saod jinih organisasi, tamasuk kelompok kaagamaan.[52] Meskipun Syafruddin indak manantang Pancasila itu surang, dan manarimanyo sabagai dasar negara jo sumber dari Undang-Undang Dasar, Syafruddin indak dapat manarimo Pancasila untuak sado kelompok masyarakat.[53] Dalam surek tabukak untuak Suharto tertanggal 7 Juli 1983, Syafruddin manantang baliak sakali lai pamarentah tersebut, dengan dasar argumen dari pidato Sukarno sasudah pangusulan Pancasila pado 1 Juni 1945. Sukarno pado sangkek itu malandasan negara atas asas gotong royong, dan dari suduik pandang Syafruddin, asas iko bararti bahasonyo masyarakaik Indonesia dapek mamiliki identitas masiang-masiang, samantaro Pancasila sabagai landasan sado organisasi akan merusak karagaman itu.[53]

Syafruddin juo sato manulih "lembaran putih" sasudah Peristiwa Tanjung Priok 1984, nan manuduh kebijakan represif pamarentah terhadap kelompok kaagamaan jo pamaksaan Pancasila sabagai pangka karusuhan mangko tarjadi.[54][55] Dek aktivitas-aktivitasnyo tersebut, Syafruddin dicekal kalua nagari, kecuali untuak urusan barubek.[45] Meskipun baitu, Syafruddin tetap mangkritik pamarentah, dan sempat dipareso dek isi khotbah Idul Fitri-nyo di suatu musajik di Tanjung Priok pado Juni 1985.[42]

Pandangan

suntiang

Ekonom Thee Kian Wie manulih bahasonyo Syafruddin, basamo tokoh-tokoh sazaman takah Sumitro jo Hatta, marupoan pambuek kebijakan nan pragmatis,[56] meskipun dibandiangan tokoh-tokoh lain pado maso itu pandangan ekonomi Syafruddin dianggap labiah tabukak terhadap investasi jo modal asiang.[57] Inyo mangamukoan sosialisme religius dengan sistem ekonomi pasar bebas, dan maanggap bahasonyo pado masa itu alun wakatunyo untuak manjalanan nasionalisasi babagai industri.[57] Pandangan-pandangan iko acok balawanan jo Sumitro, nan labiah nasionalis.[58] Sumitro baranggapan bahasonyo pamarentah Indonesia musti babuek langsuang untuak mambantu industrialisasi, samantaro Syafruddin indak picayo bahasonyo badan usaha milik negara dapek beroperasi jo efisien.[59] Syafruddin nio proses nasionalisasi balaku sacaro bertahap,[60] dan bapandapek bahasonyo investasi jo modal asiang punyo dampak positif untuak ekonomi Indonesia.[61]

Meskipun Syafruddin satuju jo prinsip keadilan sosial dan mangharagoi upayo organisasi-organisasi kumunih di Eropa dalam pergerakan buruh, inyo manolak Marxisme sacaro fundamental dek prinsip ateisme dalam paham kumunih. Manuruik Syafruddin, saurang Muslim atau Kristen indak dapek manjadi saurang kumunih sapanuahnya.[62][63] Inyo baranggapan bahasonyo banyak Muslim nan bagabuang jo organisasi kumunih dek indak paham jo asas-asas dalam komunisme,[64] dan baranggapan pulo bahasonyo Marxisme balawanan jo dengan Undang-Undang Dasar.[65] Meskipun baitu, pandangan teologis Syafruddin dapek dianggap liberal,[66] dengan interpretasi nan mangamukoan Al-Qur'an di ateh Hadits.[67] Inyo indak pulo manganggap bunga bank sabagai riba.[68] Syafruddin mandukuang program keluarga barancano di bawah Suharto meskipun ado fatwa nan manantang kebijakan tersebut,[69] dan manolak tagaknyo negara Islam takah Pakistan dengan anggapan bahasonyo struktur negara tersebut basipaik mamasoan agamo Islam ka panduduk Indonesia lainnyo.[70]

Kaluarga

suntiang

Syafruddin manikah jo Tengku Halimah Syehabuddin. Mareka dikaruniai salapan urang anak. Syafruddin laia dari pasangan R. Arsyad Prawiraatmadja jo surang padusi nan barasa dari suku Sunda pado tanggal 28 Februari 1911 di Serang, Banten. Bapak dari Syafruddin ko badarah saparo Minang saparo Banten, karano bapaknyo (inyiak dari Syafruddin) nan banamo Sutan Alam Intan barasa dari Minang nan masih katurunan rajo-rajo Pagaruyuang nan dibuang dek Balando ka Banten karano talibat Parang Pidari. Syafruddin Prawiranegara maningga di Jakarta pado tanggal 15 Februari 1989, pado umua 77 tahun.

Masa tua

suntiang

Sasudahh dibebaskan, Sjafruddin cindaruang labiah mangekspresikan dirinyo malalui agamo, dakwah malawan korupsi di bawah presiden Soeharto, jo mamimpin Petisi 50, sarato manantang konsep Pancasila sabagai satu-satunyo padoman untuak kasado golongan, tarutamo nan baragamo, di Indonesia. Pado tanggal 7 Juli 1983 inyo manulih surek tabuka kapado Soeharto untuak mamprotes katantuan dalam RUU nan mandukuang konsep tu.[71] Akibaik kagiatan iko, Soeharto malarang Sjafruddin pai kalua nagari kacuali untuak barubek.[45]

Syafrudin Prawiranegara mamiliah lapangan dakwah sabagai kasibukan di maso tuonyo. Namun bakali-kali mantan tokoh Partai Masyumi iko dilarang naiak mimbar. Pado bulan Juni 1985, inyo dipareso sahubuangan jo isi khotbahnyo pado hari raya Idul Fitri 1404 H di masjid Al-A'raf, Tanjung Priok, Jakarta. Dalam aktivitas kaagamoannyo, inyo parnah manjabaik sabagai Katua Korp Mubalig Indonesia (KMI). Kagiatan-kagiatannyo nan bakaitan jo pandidikan, kaislaman, sarato dakwah, antar lain:

  1. Anggota Dewan Pangawas Yayasan Pandidikan & Pambinaan Manajemen (PPM), kini dikenal jo namo PPM Manajemen(1958)
  2. Anggota Panguruih Yayasan Al Azhar/Yayasan Pesantren Islam (1978)
  3. Kaetua Korps Mubalig Indonesia (1984)

Inyo sempat pulo manyusun buku "Sijarah Moneter", jo bantuan Oei Beng To, direktur utamo Lembaga Kauangan Indonesia. Syafruddin Prawiranegara maningga karano sarangan jantuang di Jakarta, pado tanggal 15 Februari 1989, di umua 77 tahun.[5] "Saya ingin mati di dalam Islam. Dan ingin menyadarkan, bahwa kita tidak perlu takut kepada manusia, tetapi takutlah kepada Allah", kaliamaik nan pernah disabuikan dek Syafruddin Prawiranegara.

Maningga jo paninggalan

suntiang

Syafruddin maningga pado 15 Februari 1989 di Jakarta dek panyakik jantuang.[5] Syafruddin sabalunnyo punyo panyakik bronkitis, dan inyo tumbang di rumahnyo sakitar jam 6 sore pado hari itu juo sabalun dilarian ka Rumah Sakik Pondok Indah.[72] Inyo dimakaman di Taman Pemakaman Umum Tanah Kusir.[73] Kondisi fisik Syafruddin alah lamah dalam babarapo tahun sabalun maningga, dan sasudah Hamengkubuwono IX maningga tahun 1988, Syafruddin mangecek bahasonyo inyo maraso ajalnyo alah dakek dalam sureknyo ka George McTurnan Kahin.[45]

Dalam obituarinyo, Kahin manulih bahasonyo Syafruddin marupoan salah saurang tokoh nan barasiah dari korupsi, dan tanamo sabagai urang nan jujur, berintegritas, dan taruih tarang.[5] Manuruik wartawan Rosihan Anwar, Syafruddin marupoan sarang idealis dengan pandangan sosialisme religiusnyo sabagai Muslim nan dapek disamoan jo sosialisme Sutan Sjahrir. Rosihan mangecek pulo bahasonyo salamo maso gaek Syafruddin, inyo mancaliak Indonesia saolah-olah dijajah dek bangsa surang. Rosihan manyabuik komentar tersebut didasari pangalaman Syafruddin sasudah periode PRRI, katiko jasanyo salamo maso PDRI dilupoan dan dirinyo indak dianggap dek masyarakat.[73]

Pada 8 November 2011, Presiden Susilo Bambang Yudhoyono maagiah gala Pahlawan Nasional Indonesia kapado Syafruddin Prawiranegara, sasudah pangajuan Syafruddin sabagai Pahlawan Nasional sempat ditolak pado tahun 2000 dan 2009.[74] Pancalonan Syafruddin sabalunnyo ditantang dek pihak TNI, tapi sasudah Natsir dijadian Pahlawan Nasional pado 2008, panitia pangusulan mamobilisasi dukungan malalui alek seminar jo paluncuran buku pado paringatan 100 tahun Syafruddin. Dukungan iko pado kasudahannyo mandorong Presiden untuak maagiah gala Pahlawan Nasional.[75] Pado 2015, namo Syafruddin dilakekan pado salah satu gedung kamba kantua Bank Indonesia.[76] Sajumlah tokoh-tokoh politik Indonesia modern takah Ketua Majelis Permusyawaratan Rakyat (MPR) Zulkifli Hasan, Wakil Ketua MPR Lukman Hakim Saifuddin, jo Ketua Mahkamah Konstitusi Jimly Asshiddiqie manyatoan dukungan atas pangakuan Syafruddin sabagai Presiden Republik Indonesia kaduo.[77][78][79]

Keterangan

suntiang
  1. ↑ Kutipan dari surat kabar Abadi, 23 Januari 1958: "Saja tidak bersedia mati konjol mendjadi mangsa binatang2 buas dalam tubuh manusia".[39]
  2. ↑ Berdasarkan wawancara tahun 1971. Kutipan sejarawan Amerika Serikat Audrey Kahin: "The present Islamic parties are as bad as the Communists. No, that is not right, for the Communists are willing to make sacrifices".[48] Dalam bahaso Minang: "Partai-partai Islam nan kini samo buruak jo para kumunih. Bahkan indak lo do, sabab para kumunih rela berkorban."

Rujuakan

suntiang
  1. ↑ Voice of al-Islam 2009.
  2. ↑ a b c Republika Inline 2019.
  3. ↑ a b antaranews.com 2011.
  4. ↑ Akmal aNasery Basral 2011.
  5. ↑ a b c d Kahin 1989, hlm. 101.
  6. ↑ a b c Kementerian Penerangan 1986, hlm. 172.
  7. ↑ a b c d e Kahin 1989, hlm. 102.
  8. ↑ Rifai-Hasan 2012, hlm. 129-130.
  9. ↑ Assyaukanie 2009, hlm. 61.
  10. ↑ Rifai-Hasan 2012, hlm. 131.
  11. ↑ Legge 2010, hlm. 110-111.
  12. ↑ Madinier 2015, hlm. 58.
  13. ↑ Legge 2010, hlm. 211.
  14. ↑ a b Fogg 2020, hlm. 298.
  15. ↑ Fogg 2020, hlm. 254.
  16. ↑ Fogg 2019, hlm. 173-176.
  17. ↑ Fogg 2020, hlm. 251 – 253.
  18. ↑ Anderson 2006, hlm. 321.
  19. ↑ a b Kian Wie Thee 2003, hlm. 78-79.
  20. ↑ Kian Wie Thee 2003, hlm. 69-70.
  21. ↑ Kementerian Keuangan 1991, hlm. 19.
  22. ↑ Madinier 2015, hlm. 102-103.
  23. ↑ Anderson 2006, hlm. 310-311.
  24. ↑ a b Wolters 2012, hlm. 125-126.
  25. ↑ a b Madinier 2015, hlm. 197.
  26. ↑ Kementerian Keuangan 1991, hlm. 193.
  27. ↑ Thee Kian Wie 2012, hlm. 10.
  28. ↑ Wolters 2012, hlm. 129.
  29. ↑ Lindblad 2008, hlm. 142.
  30. ↑ Feith 2006, hlm. 370.
  31. ↑ Notodidjojo 1980, hlm. 160.
  32. ↑ Madinier 2015, hlm. 220.
  33. ↑ a b c Kahin 1989, hlm. 104.
  34. ↑ a b c Lindblad 2008, hlm. 186.
  35. ↑ a b c d Kahin 1999, hlm. 204-205.
  36. ↑ Madinier 2015, hlm. 247.
  37. ↑ Madinier 2015, hlm. 228-232.
  38. ↑ Kahin & Kahin 1997, hlm. 112.
  39. ↑ a b Madinier 2015, hlm. 249-250.
  40. ↑ Kian Wie Thie 2003.
  41. ↑ Rifai-Hasan 2012, hlm. 143.
  42. ↑ a b Ahsan, Ivan Aulia. "Sejarah 15 Februari 1989: "Presiden" Syafruddin Prawiranegara Wafat". tirto.id (dalam bahasa Indonesia). Diarsipkan dari versi asli tanggal 14 November 2021. Diakses tanggal 14 November 2021. 
  43. ↑ Assyaukanie 2009, hlm. 87.
  44. ↑ "Satu Abad Menkeu Sjafruddin Prawiranegara..." Kompas.com (dalam bahasa Indonesia). 28 Februari 2011. Diarsipkan dari versi asli tanggal 2021-12-28. Diakses tanggal 28 Desember 2021. 
  45. ↑ a b c d Kahin 1989, hlm. 105.
  46. ↑ Prawiranegara 1978.
  47. ↑ Tempo 2020, hlm. 63-70.
  48. ↑ a b Kahin 1999, hlm. 255, 350.
  49. ↑ Budiyarso 2000, hlm. 177.
  50. ↑ Friend 2009, hlm. 179-180.
  51. ↑ Latif 2008, hlm. 408.
  52. ↑ Friend 2009, hlm. 181.
  53. ↑ a b Latif 2008, hlm. 346-347.
  54. ↑ Friend 2009, hlm. 192.
  55. ↑ "Priok 12 September 1984: Ketika Aspirasi Dijawab Peluru dan Penjara". Republika (dalam bahasa Indonesia). 17 September 2017. Diarsipkan dari versi asli tanggal 17 November 2021. Diakses tanggal 17 November 2021. 
  56. ↑ Thee Kian Wie 2012, hlm. 8.
  57. ↑ a b Glassburner 1962, hlm. 120–121.
  58. ↑ Glassburner 1962, hlm. 122–124.
  59. ↑ Kementerian Keuangan 1991, hlm. 56.
  60. ↑ Friend 2009, hlm. 82.
  61. ↑ Assyaukanie 2009, hlm. 79-80.
  62. ↑ Fogg 2019, hlm. 182-183.
  63. ↑ Rifai-Hasan 2012, hlm. 215.
  64. ↑ Rifai-Hasan 2012, hlm. 205-206.
  65. ↑ Rifai-Hasan 2012, hlm. 175.
  66. ↑ Rifai-Hasan 2012, hlm. 16.
  67. ↑ Rifai-Hasan 2012, hlm. 148-150.
  68. ↑ Assyaukanie 2009, hlm. 78.
  69. ↑ Rifai-Hasan 2012, hlm. 154.
  70. ↑ Rifai-Hasan 2012, hlm. 178-179.
  71. ↑ Bourchier & Hadiz 2003, hlm. 144.
  72. ↑ Administrator (25 Februari 1989). "Meninggal Serangan Jantung". Tempo.co (dalam bahasa Indonesia). Diarsipkan dari versi asli tanggal 23 November 2021. Diakses tanggal 23 November 2021. 
  73. ↑ a b "Sjafruddin Prawiranegara, Mantan Presiden yang Dikejar-kejar". detikcom (dalam bahasa Indonesia). 16 Agustus 2006. Diarsipkan dari versi asli tanggal 14 November 2021. Diakses tanggal 14 November 2021. 
  74. ↑ "Sjafruddin Prawiranegara Jadi Pahlawan Nasional". Republika (dalam bahasa Indonesia). 8 Maret 2012. Diarsipkan dari versi asli tanggal 14 November 2021. Diakses tanggal 14 November 2021. 
  75. ↑ Madinier 2022, hlm. 275-276.
  76. ↑ "Nama Gubernur BI di Menara Kembar BI Thamrin" (dalam bahasa Indonesia). Bank Indonesia. 1 Desember 2020. Diarsipkan dari versi asli tanggal 25 November 2021. Diakses tanggal 14 November 2021. 
  77. ↑ AR, Muslim (10 November 2015). Ryandi, Eko Dimas, ed. "Ketua MPR: Syafruddin Prawiranegara Harusnya Jadi Presiden Ke-2". Liputan6.com (dalam bahasa Indonesia). Diarsipkan dari versi asli tanggal 18 November 2021. Diakses tanggal 18 November 2021. 
  78. ↑ Redaksi, Tim (8 Februari 2011). "Sjafruddin Prawiranegara Harus Diakui Sebagai Presiden RI ke-2". JPNN.com (dalam bahasa Indonesia). Diarsipkan dari versi asli tanggal 18 November 2021. Diakses tanggal 18 November 2021. 
  79. ↑ (okezone), K. Yudha Wirakusuma (8 November 2011). "Mengenal Presiden kedua RI, Syafruddin Prawiranegara". Okezone.com (dalam bahasa Indonesia). Diarsipkan dari versi asli tanggal 18 November 2021. Diakses tanggal 18 November 2021. 

Daftar pustaka

suntiang
Didaului jo:
Surachman Tjokrodisurjo 		Mantari Kaungan
1946–1947 		Digantian dek:
A. A. Maramis
Didaului jo:
Lukman Hakim 		Mantari Kauangan
1949–1950 		Digantian dek:
Lukman Hakim
Didaului jo:
Lukman Hakim 		Mantari Kauangan
1950–1951 		Digantian dek:
Jusuf Wibisono
Didaului jo:
Mohammad Natsir 		Mantari Panarangan
1948–1949 		Digantian dek:
Samsuddin
Diambiak dari "https://min.wikipedia.org/w/index.php?title=Sjafruddin_Prawiranegara&oldid=3158653"
  NODES
admin 1
Idea 1
idea 1
Project 1