Antigen
Antigen (disingkek Ag) adolah zat apo sajo nan mampu manyababkan sistem imun maasilkan antibodi nan spesifik,[1] nan mampu baikatan jo sajumlah komponen sistem imun. Antigen marupokan molekul atau struktur molekul, sarupo nan ado di bagian lua suatu patogen, nan dapek diikek dek antibodi nan spesifik taadok antigen tasabuik atau dek reseptor antigen sel B.[2] Tanggapan nan dibaleh dek sistem imun disabuik respons imun. Singkatan Ag surang marupokan kapanjangan dari antibody generator atau pambangkik antibodi.[3] Antigen "dijadikan sasaran" dek antibodi.[2] Satiok antibodi diproduksi sacaro khusus dek sistem imun untuak disasuaikan jo antigen sasudah sel-sel dalam sistem imun basingguangan jo antigen tasabuik; proses iko digunokan untuak maidentifikasi antigen sacaro tapek, mamproduksi antibodi nan sasuai, nan mainisiasi timbuanyo respons imun adaptif.[2][4] Antibodi dikatokan "sasuai" jo antigen dalam arati basonyo inyo dapek maikeknyo dek adaptasi molekuler pado fragmen pangikek antigen.[2] Dalam kabanyakan kasus, antibodi hanyo dapek bareaksi maikek ciek antigen tatantu; dalam babarapo kasus lain, antibodi dapek bareaksi silang nan maikek labiah dari ciek antigen. Antigen dapek barupo molekul protein, peptida (rantai asam amino), jo polisakarida (rantai monosakarida/gulo sederhana), sadangkan molekul lipid jo asam nukleat manjadi antigen kok hanyo digabuangkan jo protein sarato polisakarida.[5] Antigen dapek barasa dari dalam tubuah ("antigen-diri") atau dari lingkuangan lua ("bukan-diri" atau "bando asiang").[4] Sistem imun mangidentifikasi sarato manyarang antigen eksternal barupo "bando asiang" nan biasonyo indak bareaksi pado antigen-diri karano seleksi negatif dari sel T dalam timus.[6]
Vaksin adolah contoh dari antigen dalam bantuak imunogenik, nan singajo diagiah kapado panarimo untuak mainduksi fungsi memori dari sistem imun adaptif pado antigen dari patogen nan manyarang panarimo tasabuik. Vaksin taadok virus flu musiman adolah contoh nan umum.[7]
Etimologi
suntiangPaul Ehrlich mambuek istilah antibodi (dalam bahaso Jerman Antikörper) dalam teori rantai sampingnyo pado akia abaik ka-19.[8] Pado taun 1899, Ladislas Deutsch (László Detre) (1874–1939) manamoi zat hipotetis nan ado di antaro konstituen bakteri jo antibodi sabagai "substances immunogenes ou antigenes" (zat antigenik atau imunogenik). Mulonyo picayo basonyo zat tasabuik manjadi prekursor antibodi, saroman jo zimogen nan marupokan prekursor enzim. Tapi, pado taun 1903, inyo mamahami baso antigen mainduksi produksi badan katahanan (antibodi) sarato manulih baso kato antigen adolah singkatan dari antisomatogen (Immunkörperbildner). Kamus Bahasa Inggris Oxford manunjuakkan baso konstruksi logis nan samustinyo iolah "anti(body)-gen".[9]
Rujuakan
suntiang- ↑ "Antigen: MedlinePlus Medical Encyclopedia". Medline Plus. Diakses tanggal 13 April 2021.
- ↑ a b c d "Antibody". National Human Genome Research Institute, US National Institutes of Health. 2020. Diakses tanggal 13 April 2021.
- ↑ Male, David K. (2006) (dalam bahaso en). Immunology. Elsevier Health Sciences. pp. 10. ISBN 978-0323033992. https://books.google.com/books?id=gE6o5ZRJUawC&q=antibody+generator&pg=PA10.
- ↑ a b "Immune system and disorders". MedlinePlus, US National Institute of Medicine. 28 September 2020. Diakses tanggal 13 April 2021.
- ↑ Gavin, AL; Hoebe, K; Duong, B; Ota, T; Martin, C; Beutler, B; Nemazee, D (22 December 2006). "Adjuvant-enhanced antibody responses in the absence of toll-like receptor signaling". Science. 314 (5807): 1936–38. Bibcode:2006Sci...314.1936G. doi:10.1126/science.1135299. PMC 1868398
. PMID 17185603.
- ↑ Gallucci, S; Lolkema, M; Matzinger, P (November 1999). "Natural adjuvants: endogenous activators of dendritic cells". Nature Medicine. 5 (11): 1249–55. doi:10.1038/15200. PMID 10545990.
- ↑ "Antigenic characterization". US Centers for Disease Control and Prevention. 15 October 2019. Diakses tanggal 13 April 2021.
- ↑ Strebhardt, Klaus; Ullrich, Axel (Jun 2008). "Paul Ehrlich's magic bullet concept: 100 years of progress". Nature Reviews Cancer. 8 (6): 473–80. doi:10.1038/nrc2394. ISSN 1474-1768. PMID 18469827.
- ↑ Lindenmann, Jean (1984). "Origin of the Terms 'Antibody' and 'Antigen'". Scand. J. Immunol. 19 (4): 281–85. doi:10.1111/j.1365-3083.1984.tb00931.x. PMID 6374880. Diarsipkan dari versi asli tanggal 2010-11-18. Diakses tanggal 13 April 2021.