Wikipedia

Bahaso Rusia

Bahaso Rusia (русский язык, russkiy yazyk, diucapkan [ˈruskʲɪj jɪˈzɨk]) adolah bahaso Slavia nan utamonyo dituturkan di Rusia, Belarus, Uzbekistan, Kazakhstan, jo Kirgizstan. Bahaso iko indak rasmi namun banyak pulo dituturkan di Ukraine, Moldova, Latvia, Tajikistan, Turkmenistan, Estonia jo nagara-nagara lain nan alah pernah manjadi bagian dari Uni Soviet.[3][4] Bahaso Rusa tamusuak ka dalam rumpun bahaso Indo-eropa jo salah satu dari tigo bahaso Slavia Timua.

Bahaso Rusia
русский язык russkiy yazyk
Bacaan[ˈruskʲɪj jɪˈzɨk]
Ditutuakan diFederasi Rusia, Kazakhstan, Uzbekistan, Turkmenistan, Tajikistan Kirgizstan, Azerbaijan, Georgia, Armenia, Ukraine, Belarus, Moldova, Estonia, Lithuania, Latvia, Israel, jo Amerika Serikat
Jumalah panutua278 juta jiwa[1]  (indak ado tanggal)
Rumpun bahaso
Sistim panulihanSirilik
Status rasmi
Bahaso rasmi di Rusia
 Belarus
 Kazakhstan
 Kirgizstan
 Moldova
Diatur dekInstitut Bahasa Rusia [2]
Akademi Sains Rusia
Kode-kode bahaso
ISO 639-1ru
ISO 639-2rus
ISO 639-3rus

Jo jumlah panutua sabanyak 278 juto jiwa, bahaso Rusia marupoan bahaso tagadang kalimo dari segi jumlah panutuanyo sasudah bahaso Mandarin, Inggirih, Spanyol, jo Hindi.[4] Bahaso iko juo manjadi bahaso rasmi PBB jo badan-badan khususnyo salain bahaso Arab, Parancih, Mandarin, Inggirih, jo Spanyol. Salain itu, bahaso Rusia ko juo digunokan sabagai bahaso rasmi Persemakmuran Nagara-nagara Merdeka.

Klasifikasi

suntiang

Bahaso Rusia tamasuak dalam rumpun bahaso slavia, nan mano bahaso Rusia badunsanak jo bahaso-bahaso balkan, sarupo bahaso Bulgaria, bahaso Serbo-Kroat, bahaso Makedonia, bahaso Slovenia, bahaso Rusyn, bahaso Belarus, bahaso Ukraine, bahaso Polandia, bahaso Ceko jo bahaso Slovak nan marupoan bagian dari rumpun bahaso Indo-Eropa.

Dalam rumpun bahaso Slavik, bahaso Rusia paliang dakek badunsanak jo bahaso-bahaso Slavik Timur, iyolah Bahaso Belarus jo Bahaso Ukraine. Sarupo jo kaduo bahaso taakhia iko, mamakai abjad Sirilik, bahaso Rusia dipakai sabagai bahaso parantaro (lingua franca) di republik-republik bakeh Uni Soviet. Bahaso Rusia punyo juo karya sastra nan kayo. 

Bahaso Rusia adolah bagian dari bahaso Slav dari kaluargo bahaso Indo-Eropa. Bilo dicaliak dari suduik pandang palafalan bahaso, Bahaso Rusia agak sarupo jo Bahaso Ukraine jo Bahaso Belarus di Slavia Timur, nan aka bahasonyo adolah dari Bahaso Slavia Timur Tuo. Kosa kato, bantuak kalimaik, jo sastra Rusia kabanyakan dipangaruahi dek  Gareja Slavonic. Fonologi bahaso Rusia, tarutamo di bagian utara Rusia, dipangaruahi dek bahaso Finnik (bahaso Finlandia)[5][6]. Babarapo kato modern Bahaso Rusia ado juo nan barasa dari Tatar. Badasakan Institut Palinduang Bahaso di Monterey, bahaso Rusia digolongkan sabagai bahaso tingkek III, iyolah bahaso nan cukuik sulik dipalajari dek urang babahaso ibu Inggirih asli, jo butuah wakatu 780 jam intensif untuak dapek babicaro bahaso Rusia jo cukuik lanca.[7]

Panyebaran geografis

suntiang
 
Peta penyebaran bahasa Rusia

Bahaso Rusia ditutuakan sacaro laweh di Rusia jo nagara-nagara bakeh Uni Soviet. Pado maso Soviet, bahaso Rusia digunokan sabagai bahaso superioritas jo pamarsatu, walaupun Uni Soviet tadiri dari banyak etnik jo suku bangso. Satalah bubarnyo Uni Soviet pado taun 1991, babarapo nagara bakeh Uni Soviet, sarupo Kirgizstan mamuloi untuak mamakai bahaso asli mareka dibandiang mamakai bahaso Rusia.

 
Kamampuan babahaso Rusia di nagara bakeh Uni Soviet, 2004.

Di Estonia, nan marupoan bakeh nagara bagian Soviet, labiah kurang 58% panduduak aslinyo mampu babahaso Rusia. Salain itu ado juo imigran dari Rusia labiah kurang 25.6% nan dapek babahaso Rusia. Salain itu, di Finlandia, jumlah penutua bahaso Rusia adolah labiah kurang 33.400 panutua. Pado abaik ka-20, bahaso Rusia manyebar jo dipalajari sacaro laweh di nagara Pakta Warsawa jo di nagara nan basakutu jo Uni Soviet. Nagara-nagara iko diantaronyo adolah Polandia, Albania, Ceko, jo Kuba. Bahaso Rusia juo ditutuakan di Israel dek 750.000 imigran Yahudi asa Rusia. Kabanyakan koran jo situs Israel mamakai bahaso Rusia. Babarapo komunitas Rusia di Amerika Utara, sarupo di Amerika Sarikaik jo Kanada juo manutuakan bahaso Rusia. Badasakan data Biro Sensus Amerika Sarikaik taun 2000, tacatek labiah dari 700.000 urang nan manutuakan bahaso Rusia sabagai bahaso sahari-hari.

Sajarah

suntiang

Bahaso rasmi

suntiang

Bahaso Rusia adolah bahaso rasmi Federasi Rusia. Bahaso Rusia juo ditatapkan sabagai bahaso rasmi di Kazakhstan, Kirgizstan, jo Belarus. Salain itu, bahaso iko juo manjadi bahaso rasmi sacaro de facto di Abkhazia jo Ossetia Selatan. Bahaso Rusia juo dipakai sabagai bahaso panganta di 97% sikolah di Rusia, 75% di Belarus, 41% di Kazakhstan, 25% di Ukraine, 23% di Kirgizstan, 21% di Moldova, 7% di Azerbaijan, 5% di Georgia, sarato 2% di Armenia jo Tajikistan.

Dialek

suntiang

Dialek dalam bahaso Rusia tabagi duo sacaro umum, iyolah dialek Utara jo dialek Selatan, jo Moskow nan talatak di daerah patangahan antar kaduonya. Pabedoan dialek nampak dari tata bahaso, kosa kato, caro pelafalan jo intonasi. Contohnyo, pado kato булошная (toko roti) nan diucapkan [ˈbuləʂnəjə] pado dialek Moskow daripado mangucapkan булочная [ˈbulətɕnəjə]. Dialek Utara jo daerah sakuliliang Sungai Volga mangucapkan huruf /o/ tanpa takanan jo fenomena iko disabuik оканье /okanye/.

Samantaro itu di daerah Timur Moskow, tapeknyo di daerah Ryazan, mareka mangucapkan huruf /e/ jo /a/ tanpa takanan jo fenomena iko disabuik яканье /yakanye/. Pado awal abaik ka-18, Mikhail Lomononsov mamuloi panyalidiakan dialek nan ado di saantero Kakaisaran Rusia. Kamudian pado abaik ka 19, Vladimir Dal manulih sabuah kamuik langkok bahaso Rusia jo dialek-dialeknyo.

Sistem Panulihan

suntiang

Abjad

suntiang
Huruf Namo huruf Transliterasi Transliterasi
namo huruf
А а а a a
Б б бэ b be
В в вэ v ve
Г г гэ g ge
Д д дэ d de
Е е йэ ye ye
Ё ё йо yo yo
Ж ж жэ zh zhe
З з зэ z ze
И и и i i
Й й и краткое y i kratkoye
К к ка k ka
Л л эл l el
М м эм m em
Н н эн n en
О о о o o
П п пэ p pe
Р р эр r er
С с эс s es
Т т тэ t te
У у у u u
Ф ф эф f ef
Х х ха h ha
Ц ц цэ ts tse
Ч ч че ch che
Ш ш ша sh sha
Щ щ ща sch scha
Ъ ъ твёрдый знак * tvyordiy znak
Ы ы ы y y
Ь ь мя́гкий знак ´* myagkiy znak
Э э э e e
Ю ю йу yu yu
Я я йа ya ya

Ungkapan lazim

suntiang

Salam

suntiang
  • Здравствуйте /zdrastuiche/ - halo (kapan pun, bantuak sopan)
  • Привет /privyet/ - halo (bantuak biaso)
  • Доброе утро /dabroi utra/ - salamaik pagi (pukul 00.00-12.00)
  • Добрый день /dobriy jyen/ - salamaik siang (pukul 12.00-18.00)
  • Добрый вечер /dobriy vyechir/ - salamaik malam (pukul 18.00-00.00)
  • Как поживаете? /kak pazhivayecheh/ - baa kaba? (bantuak sopan)
  • Как поживаешь? /kak pazhivayesh/ - baa kaba? (bantuak biasa)
  • Прекрасно. А ты? /prikrasna, a ti/ - baiak, sanak? (bantuak biaso)
  • Рад Вас видеть /rat vas vijyech/ - sanang bajumpo jo Sanak (bantuak sopan, pria)
  • Рада Вас видеть /rada vas vijyech/ - sanang bajumpo jo Sanak (bantuak sopan, wanita)
  • Рад тебя видеть /rat tibya vijyech/ - sanang bajumpo jo Sanak (bantuak biaso, pria)
  • Рада тебя видеть /rada tibya vijyech/ - sanang bajumpo jo Sanak (bantuak biaso, wanita)
  • Я тоже рад Вас видеть /ya tozhe rat vas vijyech/ - sanang bajumpo jo Sanak juo (bantuak sopan, pria)
  • Я тоже рада Вас видеть /ya tozhe rada vas vijyech/ - sanang bajumpo jo Sanak juo (bantuak sopan, wanita)
  • Что нового? /shto novawa/ - ado sasuatu nan baru?
  • Как дела? /kak jyela/ - baa kaba? (bantuak biaso)
  • Как у Вас дела? /kak u was jyela/ - baa kaba? (bantuak sopan)
  • Спасибо, хорошо /spasiba, harasho/ - baiak, tarimo kasih
  • А у Вас? /a u was/ – lalu, baa kaba Sanak? (bantuak sopan)
  • Так себе /tak sibye/ - baitulah
  • Как обычно /kak abweichna/ – sarupo biaso
  • Неплохо /nyeuploha/ - indak talalu buruak
  • Плохо /ploha/ - buruak

Pakanalan

suntiang
  • Как вас зовут? /kak was zavut/ - sia namo Sanak? (bantuak sopan)
  • Как тебя зовут? /kak tibya zavut/ - sia namo ang? (bantuak biaso)
  • Меня зовут... /minya zavut/ - namo ambo...
  • Вы знакомы с...? /vwi znakomweu s.../ - apo Sanak kana... ? (bantuak sopan)
  • Разрешите познакомить вас (с моим мужем/с моей женой) /razreshiche paznakomich (was smayim muzheum/smayey zheneuy)/ - izinkan ambo mamperkenalkan Sanak kapado (suami/istri) ambo.
  • Очень приятно /ochyen priyatna/ - sanang batamu jo Sanak
  • Я из Индонезии /ya iz Indanyezii/ - Ambo dari Indonesia

Papisahan

suntiang
  • Боюсь, что мне пора /boyus, shto mnye para/ - tampaknyo, ambo harus baranjak kini
  • До свидания! /da svidaniya/ - salamaik tingga! (bantuak sopan)
  • Пока! /paka/ - dadah!
  • До скорого! – /da skorawa/ - sampai jumpo! (bantuak biaso)
  • Спокойной ночи - /spakoyneuy nochi/ - salamaik lalok!
  • Увидимся /uvijimsia/ - sampai jumpo
  • До скорой встречи /da skoreuy wstrechi/ - sampai jumpo lai
  • До вечера /da vyechira/ - sampai nanti malam
  • До завтра /da zavtra/ - sampai bisuak
  • Всего наилучшего! /vsiwo nailuchsiwo/ - sado nan tabaiak!
  • Передавай привет... /piridavay privyet.../ - sampaikan salam ambo kapado...

Rujuakan

suntiang
  1. ↑ "How do you say that in Russian?". Expert. 2006. Diarsipkan dari versi asli tanggal 2018-12-25. Diakses tanggal 2008-02-26. 
  2. ↑ "Russian Language Institute". Ruslang.ru. Diakses tanggal 2010-05-16. 
  3. ↑ "Gallup.com". Gallup.com. Diakses tanggal 2010-05-16. 
  4. ↑ a b "The World's Most Widely Spoken Languages". Diarsipkan dari versi asli tanggal 27 September 2011. Diakses tanggal 16 May 2009. 
  5. ↑ "Academic credit". Вопросы языкознания. - М., № 5. - С. 18–28. 1982. Diakses tanggal 2006-04-29. 
  6. ↑ "Academic credit". Прибалтийско-финский компонент в русском слове. Diarsipkan dari versi asli tanggal 2007-09-29. Diakses tanggal 2006-04-29. 
  7. ↑ "Academic credit". Defense Language Institute Foreign Language Center. Diarsipkan dari versi asli tanggal 2006-05-07. Diakses tanggal 2006-04-20. 

Pautan lua

suntiang
Ado edisi Bahaso Rusia di Wikipedia
Caliak katarangan manganai
bahaso rusia di Wikikato.
  Iko baru laman rancangan. Bantulah Wikipedia untuak mangambangannyo.
Diambiak dari "https://min.wikipedia.org/w/index.php?title=Bahaso_Rusia&oldid=3154012"
  NODES
languages 1
os 10