Batuang
| Batuang | |
|---|---|
| |
| Hutan batuang di Kyoto, Jepang | |
| Klasifikasi ilmiah | |
| Kingdom: | Plantae |
| (unranked): | Angiospermae |
| (unranked): | Monokotil |
| (unranked): | Commelinids |
| Order: | Poales |
| Family: | Poaceae |
| Subfamily: | Bambusoideae |
| Supertribe: | Bambusodae |
| Tribe: | Bambuseae Kunth ex Dumort. |
| Upasuku | |
Baca selengkapnya Taksonomi Bambuseae. | |
| Diversity | |
| Sekitar 92 genera dan 5.000 spesies | |
Batuang marupoan tanaman jinih rumpuik-rumpuikan yang batangnyo barongga jo barueh. Batuang punyo banyak tipe. Namo lain dari batuang adolah buluh, aua, jo eru. Di dunia ko batuang marupoan salah satu tanaman yang patumbuahannyo paliang capek. Dek punyo sistem rhizoma-dependen unik, dalam sahari batuang dapek tumbuah sapanjang 60 cm (24 Inchi) bahkan labiah, tagantuang jo kondisi tanah sarato klimatologi tempat batuang ditanam.[1]
Genus jo geografi
suntiangBatuang diklasifikasian ka labiah dari 10 genus jo 1450 spesies.[2] Spesies batuang ditamuan di sajumlah lokasi iklim, dari iklim dingin pagunuangan hinggo daerah tropis angek. Batuang tadapek di sapanjang Asia Timur dari 50o Lintang Utara di Sakhalin sampai ka sabalah utara Australia, jo di bagian barat India sampai ka Himalaya.[3] Batuang tadapek pulo di sub-Sahara Afrika,[4] jo di Amerika dari patangahan Atlantik Amerika Utara[5] hinggo ka salatan Argentina jo Cili, mancapai titiak paliang salatan batuang pado 47o Lintang Selatan. Benua Eropa indak punyo spesies batuang usali.[6]
Baru-baru ko alah diupayoan untuak mambudidayoan batuang sacaro komersial di Danau Besar Afrika di Afrika Tengah bagian timur, tarutamo di Rwanda. Salain itu, sajumlah parusahaan di Amerika Serikat manumbuhan, mamanen, jo mandistribusian spesies batuang sarupo Phyllostachys edulis.[7]
Tadapek duo bantuak batuang sacaro umum, yaitu batuang bakayu dari suku Arundinarieae jo batuangseae, sarato batuang rumpuik dari suku Olyreae. Analisis molekuler dari pastida manunjuakan basonyo tadapek tigo sampai limo garih katurunan utamo dari batuang.[8]
Ekologi
suntiang
Batuang adolah tanaman yang laju patumbuahannyo tatinggi di dunia, dapek tumbuah 100 cm (39 in) dalam 24 jam.[1] Namun laju patumbuahan ko sangaik ditantuan jo kondisi tanah lokal, iklim, sarato jinih spesies. Laju patumbuahan yang paliang umum adolah sakitar 3–10 cm (1.2–3.9 in) per hari. Batuang pernah tumbuah paliang banyak pado periode Cretaceous, di wilayah yang kini disabuik jo Asia. Sajumlah spesies batuang tagadang dapek tumbuah hinggo malabiahi 30 m (98 ft) tingginyo, sarato bisa mancapai diameter batang 15–20 cm (5.9–7.9 in). Namun spesies tatantu hanyo bisa tumbuah hingga katinggian beberapa inci sajo.
Batuang tamasuak dalam kaluarga rumpuik-rumpuikan, yang manjadian batuang punyo laju patumbuahan yang tinggi. Hal itu barati katiko batuang dipanen, batuang akan tumbuah baliak sacaro capek tanpa manggaduah ekosistem. Babeda jo pohon, batang batuang muncua dari pamukaan jo diameter panuah sarato tumbuah hinggo mancapai tinggi maksimum dalam ciek musim tumbuah (sakitar 3 sampai 4 bulan). Salamo beberapa bulan tu, satiok tuneh yang muncua akan tumbuah vertikal tanpa manumbuahan cabang hinggo usia kamatangan dicapai. Salanjuknyo, cabang tumbuah dari node, dilanjuikan jo daun yang muncua. Pado tahun barikuiknyo, dindiang batang yang manganduang pulp akan mangareh. Pado tahun katigo, batang samakin mangareh. Hinggo tahun ke limo, cindawan dapek tumbuah di bagian lua batang sarato manambuih hinggo ka dalam jo mambusuakan batang. Hinggo tahun ka lapan (tagantuang jo spesies), patumbuahan cindawan mambuek batang batuang busuak jo rabah. Hal iko manunjuakan basonyo batuang paliang tapek dipanen katiko baumua antaro tigo sampai tujuah tahun. Batang batuang indak akan batambah tinggi sasudah tahun patamo. Batuang yang alah rabah atau dipanen indak akan digantian dek tuneh batuang baru di tampek batuang pernah tumbuah.
Banyak spesies batuang tropis akan mati pado temperatur yang dakek ka titiak baku, samantaro sajumlah batuang di iklim sadang dapek batahan hinggo temperatur −29 °C (−20 °F). Sajumlah batuang yang tahan dingin tu dapek batahan hinggo zona 5-6 dalam kategori USDA Plant Hardiness Zones, meski pado akhianyo batuang akan maruntuahan daun-daunnyo jo mambarantian patumbuahan, namun rizomanyo akan salamaik sarato manumbuahan tuneh batuang baru di musim semi barikuiknyo.
Batuang dari genus Phyllostachys dikategorian sabagai spesies invasif di Amerika Serikat, manjua bali maupun kagiatan manambah jumlahnyo marupoan kagiatan yang ilegal.[9]
Sabagai makanan hewan
suntiang
Tuneh batuang ampuak, rantiang, jo daun adolah sumber makanan utamo dari panda di Tiongkok, panda merah di Nepal, sarato lemur batuang di Madagaskar. Mancik mamakan buah batuang, gorila gunuang Afrika mamakan batuang pulo jo alah didokumentasian mangonsumsi nira batuang yang Alah bafermentasi jo manganduang alkohol.[4] Simpanse jo gajah mamakan batuang pulo bagian batangnyo.q
Larva dari palubang batuang (ngengat Omphisa fuscidentalis) di Laos, Myanmar, Thailand jo Tiongkok mamakan pulp dari batuang yang masih iduik. Larva ngengat ko manjadi bahan makanan satampek.
Pambungoan massal
suntiang
Kabanyakan batuang sangaik jarang babungo. Faktanyo, batuang hanyo babungo yang bainterval 5 sampai 120 tahun. Pambungoan massal pado spesies tatantu babeda-beda wakatunyo. Pambungoan massal yang paliang lamo pariodenyo adolah batuang dari spesies Phyllostachys batuangsoides. Spesies ko babungo sacaro massal dalam wakatu basamoan walaupun tapisah sacaro geografis jo iklim, sasudah itu batuang akan mati menyisoan rizomanyo. Pambungoan ko punyo dampak yang ketek, sahinggo mangindikasian kabaradoan alarm biologis di dalam sel yang mamicu panjatahan energi untuak mamproduksi bungo jo mambarantian patumbuahan vegetatif. Mekanisme ko tamasuak panyabab sacaro volusi yang masih dipatanyoan.
Hipotesis yang manjalehan evolusi dari pambungoan massal ko adolah untuak "manganyangan" predator. Pambungoan jo pambuahan dalam wakatu yang basamoan akan maningkekan katahanan populasi baniahnyo. Caronyo yaitu mambanjiran area jo buah sahinggo predator akan mamakan yang inyo butuahan sarato maninggaan biji-bijian yang tasiso untuak tumbuah manjadi tanaman baru. Batuang punyo siklus pambungoan yang jauah malabiahi umua iduik rodent sahinggo dapek maatua populasi rodent supayo indak tabiaso mamakan buah batuang. Batuang dewasa yang mati sabalum babungo akan labiah efektif kok indak dipatahanan sabagai mekanisme panyimpanan energi untuak malakuan pambungoan.[10]
Pambudidayoan
suntiangBatuang tumbuah jo manyebaran paurekan sarato rizomanyo di bawah tanah. Panyebaran ko jangkauannyo bisa sangaik lueh, kok indak dikandalian bisa mambuek tuneh tumbuah di tampek yang indak diinginan, bahkan bapotensi invasif. Lueh paurekan batuang ditantuan dek jinih tanah jo iklim satampek. Rizoma yang barado di dalam tanah bisa dipotong kalau diinginan, kok rizoma tapisah dari badan utamonyo, biasonyo akan mati.
Kayu komersial
suntiangKayu batuang dihasilan dari batuang budidayo jo batuang lia, biasonyo dari genus Phyllostachys. Di Indonesia, batuang bahan bangunan di antaronyo dihasilan dek marga-marga batuangsa (misalnyo, batuang ampel), Dendrocalamus (mis. batuang betung), jo Gigantochloa (mis. batuang ater, batuang gombong).[11][12]
Pamanenan kayu
suntiangbatuang yang digunoan untuak kagiatan konstruksi harus dipanen katiko batang mancapai kakuatan tatingginyo jo katiko kadar gulo di dalam batang barado dalam kondisi tarandah. Hal itu disababan dek kabaradoan gulo mampamudah batuang untuak disarang hama.
Pancucian
suntiangPancucian atau pangawa-lindian adolah panguraian gatah batuang sasudah pamanenan. Di banyak tampek di dunia, kadar gatah dikurangi jo sajumlah caro. Batuang yang alah dipotong ditagakan jo bantuan batuang yang masih tatanam hinggo daun yang masih manempel di batuang bawarna kakuniangan. Hal iko batujuan supayo kadar gula dalam gatah dimanfaatan dek daun jo rantiang batuang talabiah dahulu. Biasonyo dilakuan salamo duo pakan. Caro nan lain samo jo yang tadi, tapi bagian dasar batuang dirandam dalam sungai atau drum aia. Caro ko labiah capek dek gatah gulo kalua atau laruik dek aia. Caro lainnyo dibariangan jo dirandam di badan aia yang mailia. Caro nan tarakhia aia dipompaan ka dalam batang batuang sasudah bagian dalamnya dilubangan.
Dalam proses pancucian, batuang dikariangan mulo-mulo di tampek taduah untuak mancagah lapisan lua batuang ratak. Manuruik Stebbings, dari hasil percobaannyo, pangawa-lindian jo marandam batuang dalam aia salamo 5 hari, dilanjuikan jo pangariangan sarato parandaman "Rangoon oil" (yaitu sajinih minyak tanah) salamo 48 jam, dapek mangawetan batuang untuak tiang telegraf dari sarangan kumbang bubuak sapanjang sakurang-kurangnyo satahun. Untuk maninggian kaawetan, baliau manyaranan untuak mampapanjang maso parandaman dalam aia sampai sadolah gatah yang takanduang dalam buluah laruik jo ai. Mangomentari hal itu, Ridley mangamukoan basonyo parandaman dalam aia salamo duo bulan cukuik mamadoi untuak mancagah sarangan saranggo tu.[13]
Manfaaik
suntiangBoga
suntiang
Walaupun tuneh batuang manganduang toksin taxiphyllin, senyawa glikosida sianogenik, yang mangasilan sianida di dalam lambuang, pamrosesan yang sasuai manjadian tuneh batuang bisa dimakan. Sajumlah masakan Asia manggunoan tuneh batuang sarato dijua dalam bantuak segar atau kalengan. Lemur batuang ameh mamakan tuneh batuang matah sarato indak tapangaruah jo toksin taxiphyllin.
Tuneh batuang dalam kondisi tafermentasi adolah bahan utamo dalam sajumlah kuliner di Himalaya. Di India disabuik khorisa. Di Nepal, tuneh batuang difermentasian jo kunyik sarato minyak sayua, salanjuiknyo dimasak jo kantang manjadi masakan yang dimakan jo nasi (alu tama (आलु तामा) in Bahasa Nepali).
Di Indonesia, tuneh batuang yang akan di konsumsi dipotong tipih-tipih jo diabuih untuak mangilangan senyawa toksin, salanjuiknyo dicuci barasiah untuak ditambahan santan jo langkok-langkok ka dibuek gulai rabuang. Resep lain yang mamanfaatan tuneh batuang yaitu sayua lodeh jo lumpia. Tuneh batuang yang alah disaik, dicuci barasiah sarato diabuih sabalun dimakan untuak mangilangan toksin.
Acar tuneh batuang digunoan sabagai palangkok makanan, bisa pulo dibuek dari inti batang batuang mudo (pith). Cairan yang kalua dari batang batuang mudo disadap katiko musim ujan untuak mangasilan minuman baralkohol. Daun batuang yang lumayan gadang dipakai sabagai pambungkuih makanan ringan.
Rujuakan
suntiang- ↑ a b Farrelly, David (1984). The Book of Bamboo. Sierra Club Books. ISBN 087156825X.
- ↑ Gratani, Loretta (2008). "Growth pattern and photosynthetic activity of different bamboo species growing in the Botanical Garden of Rome". Flora. 203: 77–84. .
- ↑ Bystriakova, N. (2003). "Distribution and conservation status of forest bamboo biodiversity in the Asia-Pacific Region". Biodiversity and Conservation. 12 (9): 1833–1841. doi:10.1023/A:1024139813651. Diakses tanggal 12 August 2009. [pranala nonaktif permanen]
- ↑ a b "Gorillas get drunk on bamboo sap". The Daily Telegraph. 23 March 2009. Diakses tanggal 12 August 2009.
- ↑ "Arundinaria gigantea (Walt.) Muhl. giant cane". PLANTS Database. USDA.
- ↑ editor-in-chief, Anthony Huxley, editor, Mark Griffiths, managing editor, Margot Levy. (1992). Huxley, A.. ed. New RHS Dictionary of Gardening. Macmillan New RHS Dictionary of Gardening. ISBN 0-333-47494-5.
- ↑ McDill, Stephen. "MS Business Journal". MS Business Journal. Diarsipkan dari versi asli tanggal 11 July 2011. Diakses tanggal 7 July 2011.
- ↑ Kelchner SA; the Bamboo Phylogeny Group (2013) Higher level phylogenetic relationships within the bamboos (Poaceae: Bambusoideae) based on five plastid markers. Mol Phylogenet Evol pii: S1055-7903(13)00062-6. doi: 10.1016/j.ympev.2013.02.005
- ↑ "NYIS". Nyis.info. 2013-10-24. Diarsipkan dari versi asli tanggal 2014-04-08. Diakses tanggal 2014-03-24.
- ↑ Janzen, DH. (1976). "Why Bamboos Wait so Long to Flower". Annual Review of Ecology and Systematics. 7: 347–391. doi:10.1146/annurev.es.07.110176.002023.
- ↑ Heyne, K. 1987. Tumbuhan Berguna Indonesia I: 322-47. Badan Litbang Kehutanan, Departemen Kehutanan. Jakarta. (versi berbahasa Belanda -1922- I: 262-89.)
- ↑ Dransfield, S. & E.A. Widjaja. 1995. (Eds). Plant Resources of South-East Asia No. 7 Bamboos. Bogor:PROSEA (Plant Resources of South-East Asia) Foundation.
- ↑ Stebbings, E.P. 1904. "Preservation of bamboos from the attacks of bamboobeetle or 'shot-borers'." Agricultural bulletin of the Straits and Federated Malay States. (New series). vol. 3(1): 15-17. [January 1904]
Pranala lua
suntiang| Wikispecies mempunyai informasi mengenai |
| Wikimedia Commons mampunyoi media nan bahubuangan jo Bambuseae |
Chisholm, Hugh, ed. (1911) "Bamboo" Encyclopædia Britannica (edisi ke-11) Cambridge University Press- Bamboo Structural Design ISO Standards
- Resources on Bamboo Archived 2011-06-25 di Wayback Machine.
- Bamboo Art(Video) Archived 2013-12-11 di Wayback Machine.