Beha
Beha, bra atau kutang adolah pakaian dalam dangan bantuak pas nan dirancang untuak manopang atau manutupi payudaro batino. Bra dirancang untuak babagai tujuan, tamasuak mamparbosegh ukuran susu, mambuek balahan dado, atau untuak partimbangan estetika atau praktis lainnyo. Pakaian ranang, kamisol, dan gaun tanpa bagian balakang mungkin punyo panyanggo payudaro built-in dangan cup bra nan mandukuang. Bra manyusui dirancang untuak mamudahkan manyusui. Babarapo urang punyo kabutuhan medis dan bedah untuak bra, tapi kabanyakan mamakainyo basobok alasan mode atau budayo. Indak ado bukti bilo bra mancogah payudaro kandur dan sabuah panalitian pun manunjuakkan sabaliaknyo (malamahnyo jaringan pandukuang payudaro),[1] dangan pangacualian jiko dikonaàn salamo latihan ulahrago.
Bra alah manjadi sangek pantiang di luar fungsinyo sabagai pakaian. Pilihan batino manganai bra ajak apo nan akan dikonaàn sacaro sadar dan indak sadar dipangaruhi dek persepsi sosial tontang bantuak badan ideal batino nan baubah sairiang wakatu. Bra alah manjadi barang fashion dan parnyatoan budayo nan takadang sangajo diungkapkan dek pamakainyo atau bahkan dipakai sabagai pakaian luar, dan punyo aspek fisiognomi.
Bra iyolah pakaian kompleks nan tabuek dari banyak bagian. Standar manufaktur mangasumsikan bantuak dan ukuran payudaro standar jo ideal nan indak cocok dengan kabanyakan badan. Parusahaan manggunoan ukuran vanity, mampangaruhi pambalian ukuran nan maàgiah kasan bilo pamakainyo labiah rampiang atau labiah montok. Salain tu, standar manufaktur internasional dan metode pangukuran sangek bavariasi. Dek biktu, banyak urang kasulitan manomuan bra nan pas. Katiko inyo manamuan bra nan tampak pas, kacandaruangan inyo iyolah taruih mamakai bra dangan ukuran nan samo bia barek badan batambah atau bakurang. Sadonyo faktor iko manyobabkan hinggo 85 persen batino nan pakai bra mamiliah dan mamakai ukuran nan salah.[2][3] Basobok kasulitan dapek bra nan pas, sabagian bosegh batino umumnyo mangalami kaindaknyamanan katiko mangonaàn bra.
Babarapo mamprotes ekspektasi masyarakaik dan takadang aturan bapakaian sikolah dan tampek karojo nan mawajibkan batino mangonaàn pakaian pandukuang.
Guno
suntiangJinih
suntiangRujuakan
suntiang- ↑ French scientist bemused by buzz over bra research
- ↑ King, Stephanie (1 June 2005). "Doreen: The Bra That Conquered the World". The Independent. Diarsipkan dari versi asli tanggal 4 October 2017. Diakses tanggal 8 September 2018.
- ↑ Wood, Cameron & Fitzgerald 2008.
Pautan lua
suntiang
Media tantang Beha di Wikimedia Commons