Pandemi Covid-19 di Amerika Serikat

Pandemi koronavirus 2019 di Amerika Sarikaik bamulo pado tanggal 21 Januari 2020 di negara bagian Washington katiko pasien nan baru salamo 5 hari pulang dari Wuhan, Cino, tampek patamo kalinyo pandemi iko barawal takonfirmasi positif.

Pandemi Koronavirus di Amerika Sarikaik

Wilayah negara bagian di Amerika Serikat ██ Terkonfirmasi
Kasus nan dikonfirmasi pa juta panduduak manuruik negara bagian
Panyakik	COVID-19
Virus strain	SARS-CoV-2
Lokasi	Amerika Sarikaik
Kasus partamo	Everett, Washington
Tangga mulo	21 Januari 2020 (4 years, 11 months and 6 days )
Asa	Wuhan, Hubei, Cino
Kasus takonfirmasi	1.347.309
Cegak	238.078
Maningga	80.037

Pandemi koronavirus 2019 diumumkan dek Organisasi Kasihatan Dunie (WHO) sabagai pandemi kasadoalah dunie pado tanggal 11 Maret 2020. Pandemi iko dikaranokan koronavirus 2019 (COVID-19) nan marusak sistem barangok.

Dampak

Sahari sasudah WHO manjadikan kasus koronavirus 2019 manjadi pandemi, 1.000 urang di Amerika Sarikaik alah dikonfirmasi tajangkik. Kamatian nan takonfirmasi dek pandemi iko 31 urang diantaronyo tajadi di negara bagian Washington. Kasus positif koronavirus 2019 sacaro capek ditamukan di 49 negara bagian Amerika Sarikaik hinggo wilayah pasamakmuran Amerika Sarikaik Puerto Riko. Cuma negara bagian Virginia Barat nan masih alun basuo kasus koronavirus 2019. Manyikapi hal iko, pamarintahan Presiden Donald Trump maumumkan situasi darurat nasional pado tanggal 13 Maret 2020.

Metode pangujian untuak urang nan tajangkik koronavirus 2019 babarapo kali baubah di Amerika Sarikaik. Pangujian panduduak patamo nan dikarajoan pamarintah dimulai pado bulan Februari. Indak lamo sasudah itu The Centers for Disease Control and Prevention (CDC) manyobokkan fakta jikok alat tes nan dipakai dek pamarintah ko rusak sahinggo hasilnyo indak akurat. Dek masalah iko, pamarintah Amerika Sarikaik mangganti metodenyo sakaligus untuak mampacapek pangujian. Pado 14 Maret, tes sarantak di 50 negara bagian manimbulkan masalah baru dek jumlah alat tes nan indak sasuai mambuek hasil pangujian masih alun bisa dianggap sasuai nan tajadi. Ateh saran CDC, dokter manggunokan panilaian surang nan sasuai jo padoman nan alah disusun katiko nio mangasahkan tes.

Sajak ditatokkan sabagai darurat nasional, CDC alah mangaluakan paringatan Level 3 untuak pajalanan ka Cino, sabagian negara di Eropa, Iran, jo Korea Salatan. Pamarintah juo indak mambuliahkan urang asiang nan pernah malakukan pajalanan ka Cinp, Irang, jo 26 negara Eropa nan tamasuak dalam Area Schengen nan bebas paspor nan tamasuak negara:

• Austria
• Belgia
• Denmark
• Estonia
• Finlandia
• Parancih
• Jerman
• Yunani
• Hongaria
• Islandia
• Italia
• Latvia
• Liechtenstein
• Lituania
• Luksemburg
• Malta
• Balando
• Norwegia
• Polandia
• Portugal
• Slowakia
• Slovenia
• Spanyol
• Swedia, jo
• Swiss.

Pado 16 Maret, pamarintah Amerika Sarikaik manambahkan Inggirih jo Irlandia ka dalam sinarai. Urang Amerika Sarikak nan baliak dari Hubei, Cino juo harus manjalani maso karantina salamo 14 hari di fasilitas kasihatan. Samantaro itu, untuak urang Amerika Sarikak nan baliak dari Cino lainnyo dalam wakatu 14 hari sabalunnyo juo diharuihkan untuak manjalano pamarisoan kasihatan jo kamungkinan untuak mangarantina diri surang.

Pandemi koronavirus 2019 di Amerika Sarikaik juo badampak ka panungunduran jadwal atau pambatalan acara nan mangumpuan urang banyak. Pamarintah manutuik sikolah, pameran, patunjuakkan, konser musik, liga olahraga, sampai pamutaran patamo kali babagai film. CDC juo maingekkan pamarintah Amerika Sarikaik untuak mangantisipasi banyaknyo pamintaan untuak fasilitas kasihatan nan mungkin akan mambabani negara.

Pangujian

Pangujian koronavirus 2019 salain batujuan untuak mangatahui urang nan tajangkik koronavirus 2019, juo untuak mangatahui tingkek kaparahan epidemi nan tajadi jo dimano nan paliang parah. Pangujian koronavirus 2019 kironyo indak efektif dek kualitas alat pauji nan indak rancak sahinggo hasilnyo indak akuraik.

Pado tanggal 4 Maret 2020, komisioner Badan Panyilau Ubek jo Makanan Amerika Sarikaik/Food and Drug Administration (FDA), Stephen Hahn mampakirokan hampia sajuta pangujian bisa sacapeknyo dikarajoan manggunokan alaik baru, samantaro Wakil Presiden Mike Pence mampakirokan bisa mancapai satu satangah juta. Nan tajadi kironyo babeda, alaik paiko iko indak tasadio di satiok tampek.

Pangujian baru nan sapanuahnyo dikarajoan di 50 negara bagian pado tanggal 12 Maret 2020 malalui pasatujuan dokter dari CDC atau laboratorium komersial di negara bagian surang-surang. usaho iko juo diiriangan jo langkah pamarintah lain nan batujuan untuak mampacapek pangujian takah manunjuak saurang koordinator di tiok negara bagian untuak mangawasi pangujian, pandanaan, mambantuak garih merah untuak lab-lab pangujian supayo manjamin katasadioan alaik. Negara bagian New York mandapek kawenangan untuak menjalankan alaik panguji nan labiah canggih jo bisa mangarajoan pamaresoan dalam 3,5 jam dari FDA.

CDC manyarankan supayo dokter bisa mangarajokan diagnosis surang jo ndak bara buah katantuan nan alah disatujui dek otorata badan dek tando-tando infeksi COVID-19 nan mirip jo flu jo damam sacaro umum, jo mandorong kasadoalah nan sadang sakik jo indak dalam kondisi nan elok untuak badiam diri di rumah se.

Reaksi

Pidato Trump dari Oval Office.

Panyatoan dari pamarintah

Pado 31 Januari 2020, Presiden Donald Trump sacaro rasmi mambalaukan pambatehan kadatangan di Amerika Sarikaik untuak imigran maupun nonimigran, kasadoalah urang asiang nan pernah basingguangan sarato malakukan pajalanan ka Cino indak buliah masuak wilayah Amerika Sarikaik sampai 14 hari pajalanannyo di Cino, kabijakan iko indak tamasuak Hong Kong jo Makau.