Saint Kitts jo Nevis
Saint Kitts jo Nevis atau sacaro rasmi Federasi Saint Christopher jo Nevis[1] adolah sabuah nagara kapulauan nan tadiri dari duo pulau, yakni pulau Saint Kitts jo pulau Nevis. Kaduo pulau tu talatak di Hindia Barat, di rangkaian Kapulauan Leeward di Antilles Ketek. Jo wilayah salaweh 261 kilometer persegi (101 mil persegi), nagara ko manjadi nagara jo federasi badaulaik taketek di Balahan Barat. Ibu kotanyo iolah Basseterre nan talatak di pulau Saint Kitts.[2]
Nagara ko marupokan wilayah Persemakmuran, jo Charles III sabagai rajonyo jo kapalo nagara.[2][3] Badan legislatif nagara barupo Majelis Nasional nan unikameral. Badan ko tadiri dari ampek baleh atau limo baleh anggota, tagantuang keadaan;[4][5] sabaleh dipiliah (tigonyo di pulau Nevis) jo tigo lai ditunjuak dek Gubernur Jenderal.[2]
Panduduak nagara ko bajumlah 53.000 jiwa pado pakiroan tahun 2019,[2] jo relatif konstan salamo bataun-taun.[3] Pado akhia abad ka-19, tadapek 42.600 panduduak, jo jumlahnyo maningkek hinggo 50.000 pado abad ka-20.[6] Antaro tahun 1960–1990, tajadi panurunan panduduak dari 50.000 manjadi 40.000 sabalum maningkek baliak hinggo kini. Sakitar tigo per ampek panduduaknyo tingga di Saint Kitts, jo 15.500 diantaronyo tingga di ibu kota nagara.[7]
Rujuakan
suntiang- ↑ "1983 Saint Kitts and Nevis Constitution". pdba.georgetown.edu. Diakses tanggal 30 August 2017.
- ↑ a b c d "CIA World Factbook- St Kitts and Nevis". www.cia.gov. Diakses tanggal 10 July 2019.
- ↑ a b "Enclopedia Britannica – St Kitts and Nevis". Diakses tanggal 10 July 2019.
- ↑ "1983 Saint Kitts and Nevis Constitution". pdba.georgetown.edu.
- ↑ "SKNVibes | One Caribbean Community". Diarsipkan dari versi asli tanggal June 14, 2006. Diakses tanggal April 3, 2006.
- ↑ "Data on St. Kitts and Nevis | Reconstructing Global Inequality". clio-infra.eu. Diakses tanggal 2021-01-26.
- ↑ "Countries in the World by Population (2023)". Worldometer. July 16, 2023. Diakses tanggal December 4, 2023.