Ubek antidiabetik
Ubek antidiabetik adolah kalompok ubek nan dipakai untuak maubek panyakik diabetes melitus, Ubek ko bakarajo jo manurunkan kadar gulo dalam darah. Salain insulin, eksenatida, liraglutida, jo pranlintida, ubek antidiabetik dipakai sacaro oral (diminum) sainggo disabuik juo sabagai agen hipoglikemia oral (oral gypoglyceic agents) atau agen antihiperglikemia oral (oral antihyperglycemic agents). Ado pabedaan kalompok ubek antidiabetik sarato pamiliahan ubeknyo bagantuang pado kondisi diabetes, umua, atau kondisi tiok pandarito sarato faktor lain nan mampangaruahi.
Diabetes melitus tipe 1 marupokan panyakik diabetes nan disababkan dek kurangnyo insulin. Insulin manjadi ubek nan musti diresepan pado panyakik ko, sainggo ubek nan dipakai adolah ubek suntiak.
Diabetes melitus tipe 2 marupokan panyakik diabetes dek insulin nan indak dapek bakarajo pado sel _target. Panyakik ko marupokan panyakik diabetes nan umum di masyarakaik. Ubek nan dipakai pado panyakik ko batujuan untuak meningkekan jumlah insulin nan dihasiakan pankreas, maningkekan sensitivitas organ _target kapado insulin, sarato manurunkan kadar gulo darah nan diserap malalui saluran cerna.
