Каталог „Хенри Дрејпер“
Хенри Дрејпер англиски: Henry Draper Catalogue, HD) — ѕвезден каталог објавен помеѓу 1918 и 1924 г. кој содржи спектроскопски класификација на 225.300 ѕвезди. Подоцна е дополнет со Додатокот „Хенри Дрејпер“ (Henry Draper Extension, HDE), објавен од 1925 до 1936 г. во кој се класификуваат уште 46.850 ѕвезди и со Дополнителните карти на „Хенри Дрејпер“ (Henry Draper Extension Charts, HDEC), објавени од 1937 до 1949 г. со уште 86.933 ѕвезди. Заклучно со август 2017 г. класификацијата опфаќа 359.083 ѕвезди[1][2] Првичниот каталог го опфаќа целото небо до привидна фотографска величина од 9; со додатоците се дополнети уште ѕвезди од извесни подрачја.[3] Овој каталог претставува пионерски напор за подредување на ѕвездените спектри, а неговите броеви се широко застапени во означувањето на ѕвездите.[4][5]
| Секи | Дрејпер | Белешка |
|---|---|---|
| I | A, B, C, D | преовладуваат водородни линии |
| II | E, F, G, H, I, K, L | |
| III | M | |
| IV | N | не се јавува во каталогот |
| — | O | Волф-Рајеови спектри со сјајни линии |
| — | P | планетарни маглини |
| — | Q | други спектри |
Употреба и достапност
уредиЅвездите во главнината на каталогот се со средна величина, до 9m (околу 1⁄15 од сјајноста на најслабите ѕвезди видливи со голо око). Додатоците ги покриваат ѕвездите до величина 11, избрани од извесни небесни подрачја.[3][7] Првичниот каталог ги води ѕвездите со броеви од 1 до 225300 (со претставката HD), подредени нагорно според нивната ректасцензија за епохата 1900,0. Првиот додаток почнува со 225301, а завршува со 272150 (со претставката HDE), а оној од дополнителните карти опфаќа ѕвезди од 272151 до 359083 (со претставката HDEC). Честопати се среќава само претставката HD, бидејќи бројчениот редослед е доследен и не прави забуна.[8] Означувањето според каталогот „Хенри Дрејпер“ е мошне распространето.[4]
Денес каталогот „Хенри Дрејпер“ е достапен преку службата VizieR на Центарот за астрономски податоци во Стразбур како каталог бр. III/135A.[9]
Поврзано
уредиНаводи
уреди- ↑ The Henry Draper Extension Charts: A catalogue of accurate positions, proper motions, magnitudes and spectral types of 86933 stars, V. V. Nesterov, A. V. Kuzmin, N. T. Ashimbaeva, A. A. Volchkov, S. Röser, and U. Bastian, Astronomy and Astrophysics Supplement Series 110 (1995), стр. 367–370, Bibcode: 1995A&AS..110..367N.
- ↑ The Henry Draper extension, Annie J. Cannon, Annals of Harvard College Observatory 100 (1925–1936), Bibcode: 1936AnHar.100....1C.
- ↑ 3,0 3,1 HENRY DRAPER star catalog, edition 1985, HyperSky documentation, Willmann-Bell, Inc., 1996. Архивирано на 9 мај 2008 г.
- ↑ 4,0 4,1 p. 327, Measuring the Universe: The Cosmological Distance Ladder, Stephen Webb, London, New York: Springer, 1999, ISBN 1-85233-106-2.
- ↑ p. 4, Galaxies in the Universe: An Introduction, Linda S. Sparke, John S. Gallagher, III, Cambridge, UK: Cambridge University Press, 2nd ed., 2007, ISBN 0-521-85593-4.
- ↑ p. 108, Hearnshaw 1986; стр. 2–4, Pickering 1890.
- ↑ Annie Jump Cannon, article, Encyclopædia Britannica Online, посет. 12 септември 2008 г.
- ↑ погл. стр. 2, Cannon and Shapley 1937 и стр. 369, Nesterov et al. 1995.
- ↑ Henry Draper Catalogue and Extension, A. J. Cannon and E. C. Pickering, CDS, назнака III/135A.
Надворешни врски
уреди- III/135A Каталогот Хенри Дрејпер и додатокот — Центар за астрономски податоци во Стразбур
- III/182 Дополнителни карти на „Хенри Дрејпер“ — Центар за астрономски податоци во Стразбур