Бас Тер
Бас Тер (француски: Basse-Terre) — главен град (префектура) на Гваделуп, кој претставува прекуморски регион и департман на Франција во островската група Мали Антили.[1] Градот е сместен на истоимениот остров, кој ја опфаќа западната половина на Гваделуп.
| Бас Тер Basse-Terre | ||
|---|---|---|
 Улицата Морис Мари Клер во Бас Тер | ||
| ||
 Местоположба на општината во Гваделуп | ||
| Координати: 15°59′45″N 61°43′45″W / 15.9958° СГШ; 61.7292° ЗГД | ||
| Земја | Франција | |
| Прекуморски регион и департман | Гваделуп | |
| Округ | Бас Тер | |
| Кантон | Бас Тер (I и II) | |
| Општ. заедница | Јужен Бас Тер | |
| Површина1 | 5,78 км2 (223 ми2) | |
| Население (2009)2 | 11.894 | |
| • Густина | 21/км2 (53/ми2) | |
| INSEE/Пошт. бр. | 97105 / 97100 | |
| 1 Катастарски податоци, каде не се вбројани езера, бари и ледници > 1 км2 и речни устија. 2 Единечно пребројување: жителите на повеќе општини (на пр. студенти и воени лица) се бројат само еднаш. | ||
Иако претставува административен центар, Бас Тер е втор по големина во Гваделуп, по градот Поент а Питр. Поширокото градско подрачје има население од 44.864 жители, од кои 12.400 живеат во самиот град.[2]
Историја
уреди
Градот е основан во 1643 г. во планинскиот дел на островот Бас Тер (еден од двата острова на Гваделуп). Повеќепати е уништуван во екот на Англо-француската војна и како нејзина последица. Во 1976 г. се јавил страв од избувнување на вулканот Суфриер, поради што градот бил привремено иселен.
Забележителности
уредиГлавна црква во градот е катедралата „Свети Петар и Павле“ (Saint-Pierre-et-Saint-Paul) од XIX век, направена од сив камен со бели статуи. Бас Тер има многу зачувани градби од колонијално време. Позначајни градски свратилишта се плоштадот „Арбоово Поле“ (Champ d'Arbaud) и паркот Жарден Пишон на југ. На врвот на месниот рид се наоѓаат зоолошката и ботаничката градина, сместени во поголем парк на брегот на реката Ерб кој претставува резерват на растенија и животни.
Клима
уредиБас Тер е сместен на преодно место помеѓу екваторскиот и монсунскиот климатски појас. Врнежите се застапени преку целата година, со нешто посув период од јануари до март. Најсувиот месец (февруари) има просечни врнежи од 60 мм. Температурата во градот е релативно рамномерна во текот на целата година.
