Бураг

Бураг (латински: rumen), наречен и преден желудник, е првата комора на желудникот кај преживните животни. Тој служи како примарно место каде се врши ферментација на дигестивниот материјал во целиот систем за варење. Откако храната се голта, таа патува во дорзалниот мрежавец (reticulum), првата комора на желудникот кај преживарите, од каде се носи во дорзалниот бураг, каде потпаѓа под ензимско (ферментско) дејство.

Бурагот и останатите комори на преживниот желудник.

Белковинските, неструктурните јаглехидрати (вклучувајќи скроб, сахароза и пектин), и структурните јаглехидрати (вклучувајќи хемицелулоза и целулоза) се ферментираат од преживарските микроби. Низ процесот на варење и преживање, дигестивните честички се редуцираат во големина, а се зголемува нивната густина сѐ додека тие не преминат во вентралниот бураг. Контракциите на бурагот го носат дигестивниот материјал повторно во мрежичката и преку ретикулобуражниот отвор тие одат до другите делови на дигестивниот тракт. Алтернативно, честичките можат да бидат однесени повторно во бурагот.

Бидејќи границата помеѓу бурагот и мрежичката е неизразена и нецелосна, овие комори се нарекуваат некогаш и како мрежобураг.