саад

Монголоор

Үгийн дуудлага

[sa:d]

Үндэсний бичиг

ᠰ‍ᠠ‍ᡍ‍ᠠ‍ᠣ᠊᠊ᠨ

(сагад)

Галиглах зарчим

Үгийн утга

I нэр.

1. Ямар нэг үйлийг гүйцэтгэхэд тохиолдох бэрхшээл, тотгор
2. Явах, зорчих замыг хааж хорих хориг хаалт
3. Зорилгыг хэрэгжүүлэх үйл ажиллагаанд сөрөг нөлөө үзүүлж байгаа болон үзүүлж болзошгүй зорилгыг хэрэгжүүлэгч өөрчилж чаддаггүй байгалийн болон нийгмийн үзэгдэл, хүчин зүйл

II нэр.

1. Ямар нэгэн зүйлийг тойруулан барьсан хамгаалалт, хашилт

Ойролцоо үг

nigga

Нийлмэл үг

саад болох - садаа болох

саад хийх - тухайн зүйлийг хийхэд ямар нэгэн бэрхшээл, төвөг учруулах

саад учрах - бэрхшээл тохиолдох

саад учруулах - хүндрэл бэрхшээл тохиолдуулах

байгалийн саад - байгалийн зүй тогтол, үзэгдэл юмс хүний үйл ажиллагаанд бэрхшээл учруулах явдал

хэлний саад - гадаад хэл мэдэхгүйн бэрхшээл

саад дээгүүр харайлгах - зориуд тавьсан хашилт дээгүүр харайлган гарах

цэцэрлэгийн саад - цэцэрлэг тойруулан барьсан хашаа

саад давах - хашилт, хаалтыг давж гарах

Зөв бичихзүй

Үг хувилгах зарчим

Кирил бичгийн зөв бичихзүй

саад нэр. ~ учруулах, саадыг, саадад, саадаар

Хоршоо үг

• саад боомт - төвөг бэрхшээл учруулах зүйл
• саад боогдол - ажил хэрэг бүтэлгүйтэж, бэрхшээл учрах нь
• саад бэрхшээл - ажил төрөлд тохиолдох хүндрэл
• саад гинж - гав гинж, дөнгө
• саад зангилаа - хэрэг явдлын ээдрээ, будлиан
• саад зэтгэр - бэрхшээл, тотгор
• саад тотгор - аливаа зүйлийг хийхэд төвөг болох зүйл
• саад чирэгдэл - тээр, садаа болох зүйл
• бартаа саад - ажил хэргийг бүтээхэд учрах төвөг бэрхшээл
• гэм саад - бусдад яршиг төвөг болох нь, гэм зэм
• хориг саад - а.тухайн зүйлийг үл зөвшөөрөн эсэргүүцэх байдал, хүндрэл бэрхшээл; б.хорио

Этгээд үг

АР НЬ ТҮС (БИЗ ДЭЭ) б.саад үгүй(Ар нь шууд шулуун, саад үгүй биз дээ)

• Чамд гуйсан зүйлийг чинь бүтээж өгвөл ар нь түс биз дээ. –Хэлээд яах вэ. Тэр мэдээж.
• Чи тэр хүн намайг ажилд авах болов уу, яах бол гэж битгий санаа зов. За гэсэн л бол ар нь түс гэж ойлгоорой.

ГОХ ДЭГЭЭ саад төвөг

• Улсын шалгалтын үеэр Дондов багш надаас олон зүйл асууж ихээхэн гох дэгээ боллоо.
• Олон хууль сөрөг хүчний гох дэгээнээс болоод батлагдахгүй байна.

ДОГОЛДОХ тбү. үйл ажиллагаа саатах

• Хурлын үйл ажиллагаа доголдсоор байна.
• Бидний зам засварын ажил хотын дарга солигдонгуут доголдсон шүү дээ.

НОГООН ГЭРЭЛ н. ихэнхдээ наймаачид хил гаалийг саад үгүй нэвтрэх нь

• Тэр наймаачин хилийг ногоон гэрлээр гарсандаа баяртай байв.
• Бид оросын хилийг ногоон гэрлээр өнгөрсөн боловч польшийн хил дээр бага зэрэг будилса н. оюутан, сурагчид шалгалт шүүлгээ саад төвөггүй өгөх нь

НЭЭНТЭГ б.хориг, саад

• Чи өөрөө ажил санаачлан хийхгүй мөртлөө хүний сэдсэн ажилд үргэлж нээнтэг хийж байх юм.
• Энэ бол улс төрийн зорилготой нээнтэг биз дээ.

НЭЭНТЭГЛЭХ тбү. хориг саад үүсгэх

• Татварын хууль батлахыг зарим улс төрчид нээнтэглэж байна.
• Тэр энэ албан тушаалд түүнийг дэвшүүлэхгүй нээнтэглэж байгаа ажээ.

ШАВАР, ШАВААС н. тээр саад

• Ганбат миний ажилд шаварболсоор ирсэнд гайхах юм.
• Бас нэг шаваас нь хаанаас гараад ирдэг байна. Миний саналыг зөвшөөрөхгүй байх юм.

ШАВАРТАХ тбү. саат тотгор болох

• Энэ хууль жижиг бизнесийг шавартуулж байгаа зүйлийн нэг билээ.
• Монголчуудын атаа жөтөө бие биеээ шавартуулж байгаа юм.

ШАВКА н. аө.саад хориг(хүн)(“шавар” хэмээх үгийн авиаг өөрчилсөн)

• Манай ээж намайг тэр охинтой үерхэхэд шавка болоод байна.
• Чи яахараа миний хэлсэн үгийг зөвшөөрөхгүй шавка болоод байгаа юм бэ?

ШАВРЫН ХААЛТ н. хориг саад(машин тэрэгний дугуйны шаврын хаалт)

• Үндэсний жижиг үйлдвэрлэл хөгжихөд банкны зээлийн хүү шаврын хаалт болж байна.
• Гэрэлмаатай хамт кино үзсэн чинь хажуунаас юм асуугаад шаврын хаалт боллоо.

Хэлц үг

Хэвшмэл хэлц

Саад бүдрэл учрахгүй бол

Санаа ухаан нэмэгдэхгүй

Саад хийгчдийг санаагаар цохих

Муу хийгчдийг мунаар цохих

Сайн хийсэн бага ч бол тус

Саад хийсэн бага ч бол хор

Санал үгүй үг хэлдэггүй

Саад үгүй үйл хийдэггүй