- Ойта мужийн Сайки Цүрүока ахлах сургууль, Кокүшикан их сургуулийг төгсөөд Кокүшикан их сургуульдаа багшлах болжээ.
- 1972 оны Мюнхены олимпод сонгомол бөхийн төрлийн 74кг-ийн жинд хүч сорьж, 3-р тойрогт ялагдан хасагдсан байна. Уг олимпын дараагаас чөлөөт бөхөөр барилдах болжээ.
- 1976 оны Монреалийн олимпод чөлөөт бөхийн 74кг-ийн жинд түрүүлж алтан медаль хүртэхдээ 7 барилдааныхаа 6-д нь цэвэр ялжээ.
- 1980 оны Москвагийн олимпод улсынхаа шигшээ багт багтсан боловч Япон улс олимпийг бойкотлосны улмаас оролцож чадаагүй ажээ.
- Зодог тайлаад тус улсын шигшээ багийн дасгалжуулагчаар ажиллаж эхэлсэн байна.
- Мэргэжлийн сүмо бөхийн ёкозүна асан Мүсашимарү Хавайд ахлах сургуулийн сурагч байхдаа Датэгаар чөлөөт бөх заалгаж байсан бөгөөд түүнийг мэргэжлийн сүмод хөл тавихад нь Датэ тусалсан гэдэг.
